كشف المخرج مرقس عاد عن تطورات حالته الصحية بعد الوعكة التي مر بها مؤخراً، وذلك عبر حسابه الشخصي على موقع التواصل الاجتماعي فيسبوك.
وقال مرقس عادل :'الحمدلله أنا خرجت من المستشفي من كام يوم و في البيت ( لسة علي جهاز الاكسجين بس نشكر ربنا ).. الموضوع كان كبير معايا حبتين أنا كنت من ال ٢٠٪ اللي بيحتاجو رعاية طبية ( مش كل الناس كدة متقلقوش بس خلو بالكم ) '.
وأضاف :' أولا أنا فرحان أوي بالتجربة دي لحد آخرها.. محبتكم و قلقكم عليا عندي كبير أوى واحد واحد و واحدة واحدة شكرا من كل قلبي حقيقي علي المحبة أغلى شيء في الحياة و انقي مشاعر هي المحبة.. التجربة بتعلم كتير اوي و بتغير و بتعيد ترتيب الاولويات و بتفرق في عمرك و بتغير منظورك للحياة بكل تفاصيلها و خصوصا في الناس بتقَدر و بتتعلم و بترتب
ثالثاً '.
وتابع:' الموت قريب جداً.. السن مبيفرقش ولا الصحة و أنا في العناية خرج جنبي ٦ أشخاص و حالات متوفين أهاليهم كانو بيزوروهم في الزيارة مع أهلي.. و فيهم حالات كانت أقل من حالتي.. الاحباب هم الباقيين ركزو معاهم اوي، الالم و الوجع اللي مريت بيهم ١٤ يوم رعاية و الاكسجين مش بيتحسن كان فيهم مفاهيم كتير.. انا أسف لكل حد زعلان مني.. اسف لو حد ضايقته و انا مش واخد بالي او واخد و كنت عنيد '.
وأكمل قائلا :'أسف لو مقدرتش أكون أحسن في بعض المواقف أنا من دلوقتي مش زعلان لأن الحياة متستاهلش.. و لو في صراعات وهجوم أنا مش زعلان و لو حد بيتخانق علي شغلانه صدقني مش مستاهلة أنا من النهاردة مش زعلان من حد و أسف لكل حد و فرحان بكل محب حقيقي.. اوعدكم بكرة بمنظور مختلف
و مشاريع جديدة افضل.. يمكن انا احاول أبقى إنسان أفضل
و اكون متطور برؤية جديدة و اعمال جديدة '.
يشار إلى أن مرقس عادل اخرج مسلسل فرصة تانية الدي عرض في سباق مسلسلات رمضان بطولة الفنان ياسمين صبري، كما أنه تعاقد على إخراج فيلم في عز الضهر الذي يقوم ببطولته النجم العالمي مينا مسعود في أول تجربة له في مصر بعد فيلم علاء الدين مع الممثل العالمي ويل سميث والذي حقق نجاحا كبيرا.
تابعوا آخر أهل مصر على Google News
