ردت فاطمة السقا شقيقة الفنان أحمد السقا على الفنانة مها أحمد بعد هجومها الغير مباشر عليه هو وكرارة بعد قرار وقف التعامل مع المخرج محمد سامي ووجهت لهما عبارات قاسية.
ونشرت فاطمة السقا، عبر حسابها الشخصي على موقع التواصل الاجتماعي 'فيسبوك'، قائلة: 'الكلام ده موجه ليكي يا أستاذة، بدل ما تفضلي تمسحي ردي كل شوية.. أبهرتيني يا مها بأخلاقك العالية، وبأنك افتكرتى العيش والملح اللى كلتيه فى البيت بتاع الفنان اللى مش عارفة تقولى اسمه بس عرفتى تقولى عليه (ندل) اللى هو أحمد السقا.. بس أنا بقولك قدام الناس، قطع لسان أى حد يقول عليه كده لأنه راجل أكرمك ووقف جنبك أنت ومجدى بدل المرة ألف'.
وتابعت فاطمة السقا، قائلة: 'أمير كرارة برضو راجل جدع ومحترم للى ما يعرفهوش فى البوست بتاعك ده.. معرفش إيه الفرص اللى كانت عندك اللى كان يتمنى يشتغل معاكى فيها زمان، بس هو أى حد يتمنى يشتغل معاه دلوقتى أكيد.. وكلمة الدور بينادي صاحبه دى بتاعة أفلام.. مبتتقالش فى الحقيقة.. كفايا دراما وتشويه للناس'.
وواصلت حديثها قائلة: 'وبعدين هما كممثلين مش مطالبين يقفوا جنبك ولا يجيبولك أدوار على فكرة.. دى رؤية مخرج وناس بتوع كاستنج، الحقيقة أنا مش عارفة أنت عايزة إيه.. أنا مش شايفة بعد العشرة الطويلة اللى أنت قولتى عليها غير كمية الحقد والسواد والشماتة اللى كانوا متداريين ورا ابتسامة كدابة، معرفش أنتي إزاى كنتى بتدخلى بيوتنا الصراحة وأنتي ست وحشة كده'.
وأنهت حديثها قائلة 'نسيت أقولك السب والتطاول ده بيدل على الأصل.. وإحنا بقى ولاد ناس، مع أننا عندنا كلام كتير أوى يتقال'.
وشنت مها أحمد هجوما على أحمد السقا وأمير كرارة دون ذكر اسمهما، وذلك عبر حسابها على فيسبوك، قائلة: 'عوضي على الله دى الجملة اللى دايما بقولها لما اتصدم في أشخاص، الحكاية يا سادة نجمين عملوا مسلسل واتنجمت عليهم بنوته لسة ألف باء تمثيل واديتهم على قفاهم وركبت عليهم إلى أن أصبحت بطلة المسلسل وبطلة الدعاية للمسلسل وهما راضيين رغم أن طول عمرهم مبيعملوش كده مع أي زميلة لهم أقربها أنا'.
وأضافت: 'النجم الأولانى بينى وبينه عيش وملح وزمالة رشحت في مسلسل بطولته وكان بيقنعنى بدور ولما وافقت بعتولى دور تانى معرفوش دور متعملوش واحدة مبتدئة المفروض أنه عارف قيمتى الفنية وعارف انى إضافه له اتهرب منى وموقفش جنبى وباعنى رغم أن الكل عارف انى زى أخته (ندل)'.
وواصلت مها أحمد حديثها: 'أما التانى كان في بداياته يتمنى يسلم عليا ويقولى يا أستاذة نزلت من نفسى وقلتله مش هنشتغل مع بعض ماهي الحوجة مرة رد وقالى الدور بينادى صاحبه طبعا محكلكوش قد إيه ندمت نفسى وعشت أسود أيام حياتى عياط واكتئاب وقلت عوضى عليك يارب'.
وأكملت: 'تمر الأيام والاتنين يعلو ويتجمعوا مع بعض في مسلسل واحد (على عينهم طبعا) ويمثلوا وحش قوى تمثيل الكفار وطلعوا كمان مبيقروش اللى بيمثلوه وربنا يركب عليهم بنوتة سنة أولى تمثيل وخبرة ويتحول المسلسل والدعاية والدراما كاملة لصالحها وهما (مخدماتية للأستاذة).
واختتمت مها قائلة: 'يمهل ولا يهمل ابدأوا من جديد يا أوفر تمثيل ياللى مبتقروش يا كومبارس جنب النجمة.. نصيحه بلاش تتشطروا على اللى كان بينكم وبينهم عيش وملح بلاش تتشطروا على أساتذتكوا.. (عوضنا على الله). يارب ما تحوجنا لحد حتى ولو كان أقرب الناس لينا.
تابعوا آخر أهل مصر على Google News
