نشبت أزمة كبيرة بين الفنان دياب والمنتج نصر محروس، خلال الفترة الماضية، بعدما أعلن الأخير عن رفع محروس دعوى قضائية ضده للالتزام بالعقد المبرم بينهما والذي انتهى عام 2018، وقال دياب إن محروس منعه من الغناء واصفاً العقد بينه وبين شركة فري ميوزك بعقد العبودية والاحتكار، وأرجع سبب غيابه عن الساحة الفنية إلى وقوف المنتج نصر محروس في طريقه.
أزمة دياب ونصر محروس
وتدخل في الأزمة هاني محروس المنتج ومهندس الصوت وشقيق نصر محروس في مداخلة هاتفية ببرنامج 'الحكاية' على ام بي سي مصر قائلا: 'دياب يقول براحته اللي هو عايزه طبعاً، لكن كل عقود المحترفين لازم تكمل بطريقة مظبوطة، مينفعش لاعب كرة بعد ما يكبر ويبقى مهم يسيب النادي، وما يبقاش لحد حاجة عنده'.
وتابع: 'نصر محروس عمل لدياب 27 أغنية، 9 منها اتصوروا فيديو كليب خلال 14 سنة كان موجود فيها في الشركة، عمل ألبومين و5 أغنيات منفردة، بس حضرتك متحسبليش 4 سنين أيام الثورة محدش اشتغل فيهم، واتهدروا من عمرنا كفنانين'.
وأكمل: 'عشان نصنع لدياب قاعدة جماهيرية كبيرة دي قعدت معانا فترة، لم نتعمد تعطيله على الفاضي، والفترة اللي كان دياب قاعد فيها جوه الشركة ما بيشتغلش كان نصر محروس عامل له مرتب شهري زي أي حد من إخواته المسؤولين في رقبته'.
تدخل تامر حسني
وبعد فترة من تبادل الاتهامات، حرص الفنان تامر حسني على التدخل لإنهاء تلك الأزمة، ونشر حسني مقطع فيديو على حسابه عبر 'فيسبوك'، أوضح فيه تمكنه من الصلح بين دياب ونصر محروس، وعلق قائلا: 'الحمد لله ربنا قدرني أكون سبب في صلح أخويا وحبيبي دياب على أخويا الكبير المنتج اللي قدمني و قدم أجيال كتير لمصر الأستاذ نصر محروس، وتم الصلح في منزله وتغاضى عن كامل الشرط الجزائي الواقع على الفنان دياب'.
وتابع: 'دي لفتة حقيقي مفيش منتج ممكن يعملها في الزمن ده.. شكرا أستاذ نصر.. شكرا إنك كبرتلي ومردتليش طلبي، ووقفت جنب دياب لأنه شاب ولسه في أول حياته.. كل الشكر أستاذ نصر محروس'.
وعلق المنتج نصر محروس على مبادرة تامر حسني للصلح مع دياب قائلاً: 'أنا اللي بشكرك يا تامر وبشكر ربنا عليك وأنا فخور بيك كأخ ليا، وبفتخر بيك كأكبر فنان في جيلك.. أنا مقدرش يا تامر أرفضلك طلب، وطبعا دياب أخويا الصغير اللي بتمناله كل خير ونجاح'.
تابعوا آخر أهل مصر على Google News
