علق الفنان محمد نجاتي على منع مؤدي المهرجانات من الغناء، قائلاً: 'انا كنت قولت قبل كده محدش يمنع المهرجانات، ولكن اتمنعت .. هي المشكلة فين؟، المشكلة عند مين؟'.
وأضاف محمد النجاتي خلال لقائه مع برنامج 'نص الكلام' المُذاع على فضائية 'النهار'، قائلاً: 'الأغنية عبارة عن لحن وكلمات وتوزيع وصوت .. ويحق لنقابة المهن الموسيقية أنها تقبل أو ترفض أن حد يكون غير مؤهل أنه يغني'.
وتابع: 'ويحق لها أنها تتدخل لما يكون في حد بيتعامل بشكل غير لائق بالنقابة، وبيستغل النقابة .. لكن الموسيقى نفسها اللي بتتقدم في المهرجانات عاجبة ناس'.
وواصل محمد نجاتي: 'مشكلة أغاني المهرجانات مش في اللحن ولا في الصوت لكن كله بيستخدم 'اتوديو'، كل المطربين صوتهم بيدخل على الابلكيشن ده عشان الصوت يطلع مظبوط'.
وأضاف:'لكن المشكلة في الكلام المُسيء .. مشكلة المهرجانات في كلامها .. وأنا مش مع منع مؤدي المهرجانات من الغناء، ويكون رجوعهم بشروط وأولها ضبط الكلمات'، موضحًا'محدش يقدر يوقف نوع موسيقى، والمهرجانات ديه نوع موسيقى، والأصوات أذواق'.
تابعوا آخر أهل مصر على Google News
