أعلن الفنان محمد هنيدي دعمه ومساندته لمشروع يدعى عجلة الورد لفتاة تسمى 'ياسمين بكر'، وذلك عبر حسابه الشخصي على موقع التواصل الاجتماعي فيس بوك.
ونشر هنيدي صورة للفتاة وعلق قائلا: 'زي ما قلت إني هدعم بعض المشاريع الصغيرة، عن طريق إني أغير صور cover الصفحة، ده أول مشروع معانا وصاحبته ياسمين'.
ونشر هنيدي حديث الفتاة عن مشروعها حيث قالت: 'مشروعي متناهي الصغر عجلة الورد، أنا ياسمين بكر من الإسماعيلية 27 سنة ليسانس آداب فكرة مشروعى هي بيع ورد بدراجة هوائية، الفكرة دي أنا عملتها فترة كنوع من اثبات نظرية مختلفة حول الباعة المتجولين وخاصة بتوع الورد، أنا فكرت في فكره تشد الناس وتجيبلى ربح، وفي نفس الوقت تغيير ثقافة المجتمع عن باعة الورد تحديدا، لأن الفهوم الدرج ليهم أنهم متسولين وده مش صحيح'.
وتابعت: 'أنا جامعية وأهلى متعلمين، والدى كان وكيل وزارة ووالدتى مدرسة، الفكرة بس تغيير مفهوم عند الناس لحاجة جميلة بحبها وحبيت أعملها فى 2018 أخدت عجلة وجهزت شوية ورد ونزلت بالشكل اللى في الصوره ده من غير دعاية او اى حاجه نزلت وقفت بالعجلة، الناس استغربت الفكرة في البداية وبعدين شجعتنى كتبت وانا واقفة بوست على فيسبوك أنا واقفه دلوقتى ببيع ورد في مكان معين لاقيت الناس جاية تشترى منى وتشجعني'.
واختتمت قائلة: 'فكرة مجنونة عملتلي اسم وبعدها بقيت ببيع بوكيهات ورد شيك جدا، وبقى بيتطلب منى دليفرى بوكيهات للعرايس والمناسبات كان حلمى يبقي عندى أكبر محل ورد في إسماعيلية'.
تابعوا آخر أهل مصر على Google News
