فيفي عبده:"مش بروح لدجلين.. وبتغلب على كل حاجة بالقرآن والصلاة"

أكد الفنانة فيفي عبده، عدم ذهابها للدجالين قائلة:'أنا مش بروح لدجلين، وبتغلب على كل حاجة بالقرآن والصلاة'، مضيفة 'أنا مؤمنة أنى بتحسد بسرعة وبداياتي مع الحسد لازم ابقى لمساه وبعمل شغل عادي وأنا بضرب عين عشان نغشة شويه وممكن يجي للواحد هُسهُس بسبب الحسد'.

وعن زواجها من لاعب كرة القدم جمال عبدالحميد، قالت الفنانة فيفي عبده، خلال حوارها ببرنامج 'حبر سري' مع الإعلامية أسما إبراهيم، على قناة القاهرة والناس، إنها لم تتزوج اللاعب، لكنها صورت معه فيلما، وتعتبره أخا لها.

وفي وقت سابق، كانت قد أثارت الفنانة فيفي عبده الجدل على حسابها الخاص بموقع تبادل الصور والفيديوهات إنستجرام بعد نشرها مقطع فيديو كشفت من خلاله عن بحثها عن شخص (ابن حلال) يدير لها حساباتها على مواقع التواصل الاجتماعي، بسبب عدم مقدرتها على التعامل مع هذه المواقع.

وخلال الفيديو قالت فيفي عبده: «مساء الفل عليكم من مصر أم الدنيا، أنا متضايقة أوي، مغيرين حاجات كتير في السناب والإنستجرام، وأنا لازم أتعلمها عشان الجمهور».

وتابعت: «عايزة بنت تكون بنت حلال، لأن الثقة عندي معدومة، عايزة بنت أو راجل ابن حلال يبقى جنبي، ويكون ملم بكل ما هو جديد في مواقع التواصل الاجتماعي، ويعلمني، فأنا بدوّر على حد كده لو لقيتوا ابقوا قولولي'.