علق الفنان أحمد فلوكس، على أزمة الفنانة دينا حسين، والتي أثارت الجدل مؤخرا بعد إعادة نشر فيديو قديم لها تنتقد من خلال الوسط الفني في مصر، وهو ما دفع الدكتور أشرف زكي نقيب المهن التمثيلية لمهاجمتها واتخاذ الإجراءات القانونية معها.
وكتب 'فلوكس'، عبر حسابه الشخصي بموقع التواصل الاجتماعي 'فيس بوك'، 'أنا مكنتش حابب اتكلم نهائي عن أي حاجة تخص الشغلانة دي؛ بس ما قدرتش اشوف افترى قصاد عيني واسكت، طيب بما إني كنت في المهنة دي ٢٠ سنة، أنا اللي هرد، أه المهنة دي وكل ما له علاقة بالفن كده و بيطلعوا ..... علشان ننجح إلا قليل جدا منهم، حتى الراجل لو ماشلش الشنطة وباس الأيادي وطبعا مش محتاج اقولك الباقي مش هيبقي'.
وتابع فلوكس،: 'ايوه البنت دي بتتكلم من اللي شافته، وفي غيرها كتير حصلهم كده وأعرف ناس منهم اتعقدوا، وراحو اشتغلوا في دهب وقلة اللي حالفهم الحظ، اه بيحصل اوسخ من كده وانت عارف، وبتعافر بقالك سنين، وبتزق مواهب كتير بنفسك وبتشوف بعينك، ومن المواهب دي كنت أنا ياد سواء على أول مسرح وقفت عليه بسببك أو لما عملنا الطيار وحمتني من اللي كانوا عاوزين يفشلوني حتى الرجالة'.
وأضاف 'وإيه المشكلة انها مجهولة ما هي عاوزة تنجح وجت علشان تتعرف لقت نفسها ها .. لا مؤاخذة، عموما بقي موضوع البنت دي باقي موضوعي الشخصي وأي حد يعرفها خلوها تتواصل معايا لو سمحتم واستأذنك يا دكتور زي البنت دي ما شافت جزء سواد في بداية حياتها ومقبلتش حضرتك، اسمحلي اني اجيبها و تتبناها زي ما تبنيت ناس كتير اولهم انا علشان نظهر للعالم أولا، والجزيرة ثانيا إنهم بيصطادوا في المياه العكرة ورغم اني مركز في شركاتي فقط وبعيد عن الفن لكن لعيونك استاذن نوريهم مين الفنانين الحقيقيين، وده تحدي بيني و بين كل السوق وكل ما له علاقة.
واختتم 'وعد مني لو مكنش اللي جاي زمن المحترمين مكنش راجل، أما يا أشرف فما فعلته لي ولأجيالي كان كثيرا، وأن الآوان أن تحارب لرسم طريق نظيف لأجيال أخرى فنصيحة ليك طول عمرك بتطلع أجيال ومش بس بتطلع، انت كنت صاحب فضل كبير في وجودي سواء لما وقفت قدام علي المسرح أو في الحروب لا تيأس وانا معاك'.
يذكر أنه انتشر خلال الساعات الماضية، فيديو عبر قناة الجزيرة، تناقلته مواقع التواصل الاجتماعي والسوشيال ميديا، للمطربة دينا حسين، وهي تتحدث فيه عن مشكلة شخصية وتسيء للفنانين، وللوسط الفني عموما بالعديد من العبارات.
تابعوا آخر أهل مصر على Google News
