أعربت الفنانة الشابة كارولين عزمى، عن سعادتها بالقبض على الشخص في واقعة التحرش بها قبل أيام، موجهة الشكر لوزارة الداخلية والنيابة العامة على سرعة الاستجابة.
وكتبت كارولين عزمي، عبر موقع تبادل الصور والفيديوهات «إنستجرام»، منشورا، قالت فيه: 'الحمد لله حقى رجعلى عايزة اشكر وزارة الداخلية والنيابة العامة على سرعة الاستجابة ووقفتهم شكرا انكم مسكتوا الشخص دا فى نفس اليوم'.
وأضافت 'أحب اقول لكل البنات أي موقف تتعرضيلوا اوعي تسكتي واجهي ومتخافيش وحقك هيجيلك احنا فى بلد فيها قانون مع احترامى لزوجته وأولاده بس أنا مش هتنازل وأتمنى يكون درس ليه وعبرة لغيره'.
View this post on Instagram
ونشرت كارولين عزمي مؤخرا مقطع فيديو صورته أثناء واقعة التحرش بها، قائلة: 'عمري ما شاركت مشكلة تخصني سوشيال ميديا، وباختصار النهاردة كنت في عربيتي وجنبي عربية فيها واحد كسر عليا، وبيكرر الحركة باستظراف، طلعت الموبايل وعملت نفسي بصور اتفاجئت بيقولي بتصوريني يا بنت...'.
وأضافت: 'اتخضيت وبدأت أصور بجد وهتشوفوا في الفيديو الحركات والشتايم، وبدأ يقولي تعالي ورايا والحقيقة إني مش عارفة أروح واره فين أو كان عايز يعمل إيه، ولأنى اتوترت وخوفت ساعتها مقدرتش أصور ١٪ من اللي عمله، 'أنا اتشمت بأهلى بأقذر الشتايم من حد معرفوش ولا عملتله حاجة، أكيد الشخص ده أذى بنات كتير لأنه تقريبا متعود على الحركات دي ومتعود يخوفهم ومش همه حتى إنه يتصور ويتفضح، أنا عايزة حقي يرجعلي'.
تابعوا آخر أهل مصر على Google News
