أثارت الفنانة شيرين عبد الوهاب الجدل بعد تصريحاتها عبر حسابها الخاص على موقع التواصل الاجتماعي «إنستجرام» بندمها الشديد على أغنية 'ماتجرحنيش' للشاعر بهاء الدين محمد.
وبهذا التصريح غضب الشاعر بهاء الدين محمد، وقرر الهجوم عليها بسبب هذه التصريحات، وفي السطور التالية سنرصد لكم القصة الكاملة حول الخلاف بين المطربة شيرين عبد الوهاب والشاعر بهاء الدين محمد.
تصريحات شيرين عبد الوهاب
بدء الخلاف بين شيرين وبهاء الدين، عندما وجه لها أحد متابعيها عبر حسابها الشخصي على موقع التواصل الاجتماعي 'إنستجرام': عن أغنية ندمت على تقديمها لترد قائلة : 'أغنية ماتجرحنيش' للشاعر بهاء الدين محمد.
وأثار هذا التصريح غضب الشاعر بهاء الدين محمد وقرر الرد على طريقته الخاصة عبر حسابه الشخصي على موقع التواصل الاجتماعي 'فيس بوك'، وكتب: 'مش متعود أرد على أي حد .. ولكن لما حد يتجاوز حدوده لازم يقف مكانه ويعرف إنه مهما اتعود يغلط لازم ييجي عند بعض الأسماء ويحاسب ويخلى باله وخاصة لما حد ف كل كارثة يدافع عنها !!!'.
وتابع: 'وح أتكلم باختصار جداً 'المشهد الأول'.. أول يوم دخلت #شيرين_عبدالوهاب مكتبي كانت مع الأستاذ #نصر_محروس اللى هو صاحب الفضل في تقديمها، وبعد دقائق من اللقاء لقينا شيرين بتبكي وسألها نصر بتعيطي ليه ردت علشان أنا قاعدة مع الأستاذ بهاء !!!'.
وأضاف: 'المشهد الثاني'.. رشحتها تغنى #كتير_بنعشق ولولا موافقة نصر احتراما للعشرة اللي بنا ماكانتش ح تغنيها لأنها كانت موقوفة من النقابة'.
وأضاف 'المشهد الثالث'.. لما فوجئت بمدير أعمالها الرجل اللي أنا بأحبه وباحترمه لقيته يكلمني نيابة عنها ويقولي سمعني الجديد وده طبعا خطأ لأن اللي بيغني مهما كان اسمه مش المفروض يغلط غلطه زي دي !!! لأن المشهد ده مش لايق على المشهد الأول' .
واختتم: 'المشهد الرابع والأخير': أغنية #ماتجرحنيش أنا لحد الآن مش عاجبني غُنا شيرين مع احترامي الكامل لصوتها وأكيد لولا الأستاذ نصر ماكانش ح يتم اللقاء . وماتجرحنيش من أهم أعمالي ومن حقي أدافع عنها نتاج تهور اللي غنيتها وكمان لأول مره الاقي حد بيحارب نَفسه وبيغلط ف مبدعين اشتركوا ف صناعته !!!..وعشان أكتب الكلام ده يبقى شيرين غلطانه كالعادة بس كان لازم أقولها ماتعمليش كده تاني وانتى بتكبري بس مش ح تعدى حدود حجم بعض الأسماء ولا أعمالهم'.
أغنية ماتجرحنيش
كلمات الأغنية
: 'ما تجرحنيش اكتر من كده.. حرام حرام عليك كده .. ما تجرحنيش وكفاية كده .. حرام حرام عليك كده .. خايفة منك خاف عليا .. يا حبيبي حس بيا .. دا انت اول حب ليا.. ولو انجرحت مش حاعيشحرام عليك كده .. حرام .. انا غير الي اتخدعت في حبهم قبليك .. أنا غير اللي انجرحت في حبهم قبليك .. انا الي بحس بيك .. بسمع كلام عينيك .. تقولي هات يا عمري .. اعيشه بين ايديك .. ازاي بتشك فيا وتقول بكدب عليك'
وهي تأليف الشاعر بهاء الدين محمد، وتلحين حسن أبو السعود، وتوزيع مدحت خميس.
تابعوا آخر أهل مصر على Google News
