لأول مرة.. ريم مصطفى تفجر مفاجأة عن حياتها الشخصية

تحدثت الفنانة ريم مصطفى، لأول مرة عن حياتها الشخصية، موضحة أنها كانت زوجة لمدة عشر سنوات، وأثمر زواجها عن إنجابها ولدان.

وحلت ريم، على برنامج "كلمة أخيرة"، المذاع عبر شبكة قنوات On، وتقدمه الإعلامية لميس الحديدي، وكشفت خلال اللقاء، عن أنها كانت متزوجة لفترة دامت لعشر سنوات، وأنجبت ولدان، ولكنها لا تحب أن تعرض حياتها الشخصية على الملأ، باتفاق مع أولادها.

وقالت: "أنا بحب التمثيل بس مابحبش حياته، ما بحبش البرامج والأضواء، ومبحبش أدخل الناس في حياتي الشخصية، لأن الشائعات دمها تقيل، والناس بقى دمهم تقيل وبيتدخلوا في حياة الآخرين، وأنا اتفقت مع ولادي على كده، هم طلبوا مني إنهم يفضلوا بعيد".

وتحدثت عن علاقتها بأبنائها كأم وقالت: "أنا أم جدًا، ولادي أصحابي المقربين، والعلاقة اللي بينا الناس لما تشوفها بيتخضوا، مبيقولوش ماما، بينادوني (رورا) وبتكلم معاهم في كل حاجة ممكن تتخيليها، لو معجبة بواحد هروح أقول لهم".

واستكملت حديثها: "ولادي مابعملش حاجة غير برأيهم، إحنا أصحاب أوي، وهم اللي عملوا لي تست الكاميرا في الأول خالص".

كما أكدت أنها لا تضع أبنائها في حساباتها قبل اختيار أدوارها، لأنها تمتلك حدود تخص شخصيتها، وأوضحت: "مش هيقولوا ريم كانت هتعمل مشهد ومعملتوش عشان خاطر أولادها، لأ، أنا اللي مش هعمل ده عشان مش عايزة أعمله".