زوجة شريف منير تحذف بوست مهاجمة ابنتيها بسبب المتطرفين

ردت لورا عماد زوجة الفنان شريف منير، على الانتقادات التي تعرضت لها بعد مهاجمتها لابنتيها، وذلك من خلال حسابها الشخصى على موقع "إنستجرام".

وكتبت لورا عماد قائلة :" شكرًا لكل من دعمني نفسيًا وحس بإحساس الأم، وبقول للقلة القليلة عديمي الإنسانية، أن تعليقاتكم ما كانت سوى شوية تراب في الهوا".

وتابعت :" أنا قررت أشيل البوست لأني مش هسمح أن صفحتي تبقى ساحة لبعض المتطرفين دينيا، وبقول روحوا ناقشوا تطرفكم في حتة تانية".

وكانت قد نشرت لورا عماد مقطع فيديو للفنان شريف منير وابنتيها معلقة :"رسالة إلى بناتي فريدة وكاميليا، بما أنكم خلاص قررتوا تبقوا مش في حياتي بعد ما أديتكم عمري وصحتي وتعبي وحبي واهتمامي وضحيت عشانكم كتير،، بقولكم مبروك عليكم عيلتكم الجديدة!".

وأضاف "هقولكم حاجة واحدة بس! اللي مالوش خير في أمه ملوش خير في حد! بتمنالكم كل خير وصحة وإن ربنا يهديكم في يوم من الأيام! بس ربنا موجود وكبير قادر على اللي عمل فيكم كده إنه يرده ليه في يوم من الأيام! مامي لورا يمكن تكونوا نسيتوا اسمي".