طليق منة عرفة: بعت العربية علشان أديها الفلوس.. وصعب نرجع لأنها مقدرتش اللي عملته عشانها

تحدث الفنان محمود المهدي عن أزمته مع طليقته الفنانة منة عرفة، أثناء مداخلة هاتفية ببرنامج خط أحمر المذاع عبر قناة الحدث.

وقال محمود المهدي:"كنت عملها مشروع تجميل عشان حالها وقف في التمثيل، وبعت العربية مخصوص علشان أديها الفلوس، وبعدها بيومين تم الطلاق فجأة، وطلعت قولت حسبي الله ونعم الوكيل".

وتابع:"اديتها الفلوس ومقصرتش في بيتي، للأسف حبيتها وصرفت على أهلها، ساعة الطلاق كنت رافض إني أطلقها لكن أهلها كانوا مصممين، أنا كنت ساكت وكنت ممكن أتكلم وأقول كتير بس سكت".

وأضاف محمود المهدي:"حبيتها واستحملتها اكتر من أي حد، صعب نرجع مقدرتش اللي عملته عشانها وخسرت حجات كتير، وكلامي كان غلط إني طلعت واتكلمت بعصبية ودافعت عن نفسي وأهلها غلطوني".