صبا مبارك عن اتهام "بنات عبدالرحمن" بالنسوية: في انعدام تكافؤ فرص وياريت نقبض زي الرجالة

أكدت الفنانة صبا مبارك، أن تفاعل شريحة كبيرة من الرجال الذين شاهدوا فيلم 'بنات عبد الرحمن' مع شخصياته، دليل على عدم تشدده في مناصرة قضايا المرأة.

وقالت صبا مبارك، خلال استضافتها في برنامج 'الحكاية'، الذي يقدمه الإعلامي عمرو أديب عبر قناة 'إم بي سي مصر': 'فيلم بنات عبد الرحمن يقدم رسالة عن إن الناس في جوهرها تبحث عن أشياء بسيطة متشابهة، مهما فرقهم النوع أو الجنسيات أو الثقافة'.

وأضافت صبا مبارك: 'الفيلم متهم بأنه نسوي، وأنا مش ضد كلمة نسوي، وإنه متشدد في مناصرة قضايا المرأة في اتجاه معين، لكن عدد كبير من الرجالة شافوا الفيلم وتأثروا وانتصروا لشخصيات منه وشعروا إنه يمسهم'.

وتعليقا على أن الفيلم لم يظهر صورة جيدة للرجل، قالت: 'الفيلم بيقول إن الرجالة مظلومين زي الستات بالضبط في المنظومة والمجتمع، لما يفرض على راجل ومراته مش مبسوطين مع بعض بالاستمرار في علاقتهم'.

وردا على سؤال هل المرأة تحتاج إلى نصرة في العالم العربي؟ قالت: 'أنا مش شايفة نفسي ناقصة عن حد، غالبا في انعدام تكافؤ في الفرص، وياريت نقبض زي الرجالة.. يا ريت اللي عايز يعمل كده يعرف يشتغل ويعمل كده، وإحنا غالبا مش بنعمل كل اللي علينا'.

كما تحدثت صبا مبارك عن خوضها تجربة الإنتاج في الفيلم قائلة: 'كانت مجازفة مني إني أنتج الفيلم، لكن فكرت إنها هتقوي قلب الناس، وحاولنا نحقق معادلة صعبة لفيلم فني وتجاري في نفس الوقت'.