نفى السيناريست والكاتب مدحت العدل، أن يكون حرق استوديوهات شركة العدل جروب في شبرامنت حدث بفعل فاعل، مشيرا إلى أن الشركة خسرت خسارة فادحة وأنهم حزنوا على الإرث الأدبي أكثر من الخسارة المادية.
خسارة فادحة
وقال مدحت العدل، خلال حواره مع الإعلامية أسما إبراهيم في برنامج ' حبر سري' المذاع على قناة 'القاهرة والناس': ' إحنا عندنا قانون ونيابة وناس بتحقق ووارد يحدث حريق لأن الديكورات كلها خشب وطبعا خسارة كبيرة والحمدلله أنه مفيش حد أصيب لكن إحنا زعلنا على الإرث الأدبي أكثر من الخسارة المادية ديكورات حارة اليهود وبين السرايات وكل مسلسلتنا تاريخ.. لكن قدر الله وما شاء فعل والحمدلله إحنا اللي عملنا الديكورات دي ونعمل غيرها '.
ورفض مدحت العدل التصريح بتقدير مبلغ الخسارة المادية، مضيفا: ' خسارة فادحة احنا بنتكلم في استوديوهات على ٣٠ ألف متر بأوض ومخازن وحاجات كتير جدا.. حارة اليهود الديكور نفس كان متكلف ملايين من ساعة ما اتعمل'.
وتابع مدحت العدل: ' هنبني طبعا استديوهات جديدة يموت الزمار وإيده بتلعب.. دي شغلنتنا بنبني طبعا وهنعملها على أسس تانية أكثر حداثة وضد الحريق كل يوم الدنيا بتطور والاستديوهات دي كانت داخلة على ٢٥ سنة تاريخ'.
كواليس عودة شيريهان للفن
وكشف مدحت العدل، عن كواليس رجوع الفنانة شيريهان للفن من خلال مسرحية 'كوكو شانيل'، موضحا:' هي كانت عايزة ترجع مفيش فنان بحجم وقيمة شيريهان مش عايز يرجع والجمهور يشوفه في يوم المرأة العالمي في ٢٠١٨ قررنا نعمل ١٣ مسرحية عن ١٣ سيدة من الذين غيروا وجه التاريخ وقررنا نبدأ بـ كوكو شانيل وهي لما قرأت النص وقعت في نفس اليوم وعملنا المسرحية'.
كما تحدث مدحت العدل عن كواليس التجهيز لمسرحية 'شارل شابلن'، قائلا: ' المسرحية بطولة الفنان محمد فهيم من أكثر أبناء جيله موهبة وإخراج أحمد البوهي.. بيتعمل بروفات للعمل يوميا وإن شاء الله يتعرض في ذكرى وفاة شارل شابلن ٢٥ ديسمبر في القاهرة أولا ثم في الرياض وجدة'.
وتابع مدحت العدل: ' المسرحية هتكون أول عرض ميوزيكال من أوله لآخره ٣ ساعات يعني كوكو شانيل كانت مواقف وفي أغاني'.
تابعوا آخر أهل مصر على Google News
