فيفي عبده: بقرأ القرآن على البحر.. وبعمل السبع موجات علشان اغسل همومي

حلت الفنانة فيفي عبده ضيفة على برنامج كلام الناس، الذي تقدمه الإعلامية ياسمين عز على فضائية إم بي سي مصر.

فيفي عبده وياسمين عز

وتحدثت فيفي عبده في البرنامج قائلة: أنا متعودة طول عمري أروح البحر أقرأ قرآن وأنا واقفة بنزل سبع موجات ورا بعض من غير ما خد نفسي علشان أغسل همومي وبتفائل بيها'.

وأضافت فيفي عبده قائلة: 'جالي فترة قعدت كذا سنة مش بشتغل وكان عندي حالة اكتئاب ووزني زاد، وروحت مارينا ووقفت في المياه وبصيت لربنا وقلت له وحياة موجك تنصفني على كل اللي ظلموني وحياة ربنا طلعت من المياه لقيت المنتج طالبني وكتبت على اسمه بسم الله الرحمن الرحيم بعد ما طلعت من السبع موجات'.

وأشارت عبده في كلامها، أنها منذ تجسديها شخصية كيداهم في مسسلسل 'كيد النسا'، وحياتها العملية تغيرت للأحسن.

وأكملت: 'المنتج قال لي سمية الخشاب معايا وعملنا كيداهم واتفتحت الدنيا ما شاء الله كان مسلسلي نمرة واحد، وبعدين عملت مولد وصاحبه غايب مع هيفاء، ومسلسل كيداهم كل كلامي في المسلسل تأليفي عملت شخصيتي الطبيعية، لأن أنا تركيبتي وشخصيتي كده.

وكانت فيفي عبده أبدت رأيها في حديث الإعلامية ياسمين عز عن الرجال وضرورة تقدير السيدات لهم، وذلك خلال حلولها ضيفة عليها في برنامج كلام الناس، المذاع عبر قناة ام بي سي مصر.

فيفي عبده وياسمين عز

وقالت فيفي عبده في حديثها: 'إنتي بتحبي الرجالة وكل الستات ضد الموضوع ده، إيه الحكاية يا ياسمين؟'.

وأجابت ياسمين عز قائلة:'شفنا في العصر اللي إحنا فيه الست بتفضح الراجل على السوشيال ميديا، علشان كدة بدأنا ننتبه إن لازم ناخد بالنا من علاقة الرجل والمرأة'.

وأضافت ياسمين قائلة:'كل اللي قلته الست تاخد بالها من الراجل وتعامله سي السيد، ولما يتعصب تسيبه يهدى وتقول له حاضر، هل كدة يسيء لها في شيء، لقيتهم بيقولوا إني بكده بخلي الست شخصيتها ضعيفة'.

وردت عليها فيفي عبده قائلة:':أنا شخصيتي قوية، لكن أنا طول عمري بقول الراجل سي السيد، هو لما يبقى شرّابة خرج هيملى عينيا، لازم يكون سي السيد في البيت وبره البيت'.

يشار إلى أن آخر أعمال فيفي عبده كان مشاركته في رمضان المضي في مسلسل شغل على العالي، الذي يدور في قالب درامي كوميدي، حيث جليلة وشروت امرأتان مختلفتان يجمعها حظهما العثر وزيجاتهما الفاشلة فتصيران صديقتين، وتلجأن لتكوين عصابة ﻷخذ ثأرهما من الرجال، لكن الأيام تحمل لهما مفاجأة تختبر بها صداقتهما.

المسلسل من ﺇﺧﺮاﺝ: مرقس عادل، ﺗﺄﻟﻴﻒ: حسين مصطفى محرم، ويتواجد في بطولته كل من الفنانة فيفي عبده، شيرين رضا، محمد رضوان، فريد النقراشي، محمد مرزبان، ساندي مراد، وغيرهم من الفنانين.