رحاب الجمل لـ ياسمين عز: أنا في البيت مهزقة وهابلة

حلت مساء اليوم الأحد، الفنانة رحاب الجمل، ضيفة على برنامج كلام الناس، الذي تقدمه الإعلامية ياسمين عز، عبر قناة إم بي سي.

رحاب الجمل

وقالت رحاب الجمل خلال البرنامج قائلة: 'أنا عندي شخصية برا البيت، لكن في البيت فيه تفاهم، لأن الأسرة والعيلة هي المكان اللي بتكوني ريلاكس فيه ومرتاحة وقالعة الماسك، وأنا الحمد لله مرتاحة'.

وتابعت رحاب: 'وكتير بيفكروا أني صارمة وشخصيتي قوية، لكن بالعكس أنا في البيت مهزقة وهبلة أوي وتافهة وبلعب وأهزر، ومش بعدي حاجة إلا ولازم أتريق'.

وتطرقت رحاب الجمل في حديثها عن والدة زوجها، قائلة:' أنا بحب حماتي جدًا كتير، حب على قد طيبتها واحترامها وحنيتها وأدبها وكلاس، وفيه أدب وشياكة ورقي، وأنت بتختاري الزوج لو مالوش خير في أم أبوه أوعي تفرحي دي مش شطارة لأنك مش هتكوني أغلى عنه منهم ما تتحشريش في اللي ما يخصكيش لأن مملكتك بيتك، ده ما يخصكيش خالص وده شفناه في أمهتنا وأجدادنا، وما تدخليش في اللي مالكيش فيه، لو ركزتي في حياتك هتتهني وتتبسطي'.

وعن نصيحة حماتها قالت رحاب الجمل:' لو اتخانفت مع جوزي حماتي بتقولي بلاش أتدخل لأن أي تالت بين الزوجين غير مفيد، فخلوها بتاعتكم لوحدكم، ولما الخلاف يخلص بين الطرفين بيدوب بسرعة، وتنتهي، لأن ده في النفس البشرية وأنا عملت بنصيحتها'.