نشرت الفنانة منة فضالي استغاثة من خلال صفحتها الخاصة عبر موقع التواصل الاجتماعي 'الفيسبوك' لطلب المساعدة في العثور على مساعدتها الشخصية، موضحة أنها اختفت منذ 48 ساعة قبل وصولها لموقع التصوير، ولم يعثر عليها حتى الآن، مرجحة أنها تعرضت للاختطاف.
وقالت منة فضالي إن المساعدة كانت فى طريقها إلى مدينة الإنتاج الإعلامي تستقل سيارة أجرة، وفجأة أغلق هاتفها.
وأوضحت: أنا للأسف في موقف مش عارفة اتصرف فيه المساعدة بتاعتي اختفت وهي جايلي على التصوير من اول امبارح وكل ده اهلها بيدور عليها في المستشفيات والاقسام.
تابعت رواية القصة قائلة: واخر حاجه كانت راكبه اوبر وكانت جايالي على المدينة بعديها تليفونها اتقفل ومن الساعة ٦ المغرب وافتتحت دقيقه الساعة ١٢ بليل معرفناش نعمل حاجه واستنينا يعدي ٢٤ ساعة علشان نعمل محضر بعض المستشفيات هي مش موجودة فيها.
وأضافت: والواضح انها اتخطفت وحقيقي انا مش عارفه اعمل حاجه ودي اول مره معرفش اتصرف فا اللي يقدر يساعدني يبقي كتر خيرو هي ساكنه في الزاويه وللاسف معنديش تفاصيل لا رقم العربيه الاوبر لانها كانت مش ظاهره ولا اي حاجه، رجاء اللي يقدر يعمل حاجه يبقي كتر خيره.
أخر أعمال منة فضالي
وكان آخر أعمال منة فضالى الدرامية مسلسل 'نسل الأغراب' وهو من بطولة: أحمد السقا وأمير كرارة، وأحمد مالك، وأحمد داش، ومى عمر، ونجلاء بدر، وسلوى عثمان، وعماد زيادة، وهدير عبدالناصر، وفردوس عبدالحميد، وأسماء أبواليزيد، وإدوارد، وتأليف وإخراج محمد سامى.دعم منة فضالي لمنة شلبي
حرصت الفنانة منة فضالي على دعم الفنانة منة شلبي مؤخرًا بعد تداول أخبارا حول إلقاء القبض عليها بمطار القاهرة لحوزتها كمية من مخدر الماريجوانا
حيث علقت منة، عبر 'ستوري' حسابها على إنستجرام: 'الشماتة والغلط والتشهير حرام والله العظيم.. الإنسان إما يكون في محنة مهما كانت بيحتاج الكلمة الحلوة أو اللي يقف جنبه واللي يتمنالوا ربنا يخفف من عليه.
مشيرة: 'نفسي كل اللي كتب كلمة وحشة على منة شلبي يحط نفسه مكانها هل تتمنوا الفضيحة؟ الستر من عند ربنا احنا بشر وممكن نغلط عادي دي نجمة وبتشرف مصر بره بلدها'.
وأَضافت منة فضالي: 'عارفة إن ممكن أتهاجم وممكن حد يقولي تريند وزفت.. ميهمنيش في الآخر دي زميلة ونجمة وليها مكانتها ومحتاجة نقف جنبها مش ضدها احنا مش ضد القانون بس نفكر في الإنسانية، منة شلبي ربنا يفك كربك.
تابعوا آخر أهل مصر على Google News
