مدحت صالح عن عدم مشاركته في برامج اكتشاف المواهب: "معنديش خبرة كافية"

كشف الفنان مدحت صالح، عن سبب رفضه المشاركة في لجان تحكيم برامج اكتشاف المواهب الغنائية.

مدحت صالح: لا أمتلك الخبرة الكافية لتقييم المواهب

وقال مدحت صالح، خلال حواره مع الإعلامية أسما إبراهيم في برنامج 'حبر سري' المذاع عبر قناة 'القاهرة والناس'، إنه يرى نفسه لا يمتلك الخبرة الكافية لتقييم مواهب الآخرين.

وأضاف: 'مابحبش أصدر أحكام، مقدرش أقول إني وصلت لمرحلة أقول أن ده تمام أو 10/10، ما أحبش أبقى في الحتة دي، بس في ناس تانية عندهم القدرة'.

وتابع مدحت صالح: 'أنا دايما عايز حد يقيمني، بابقى محتاج أكتر من إني أقيم حد'.

ونفى أن يكون للمقابل المادي أي تأثير على تغيير قراره، مؤكدا: 'هبقى خايف من نفسي، أبقى ظلمت حد، خليت حد مايستحقش خد حاجة، الفكرة مش عندي أنا'.

واختتم مدحت صالح رده قائلا: 'ربنا مديني فلوس كتير، مش محتاج للفلوس أوي، المسألة كلها إنسانية، بخاف لو قلت لحد لأ، بيصعب عليا، زي ما أنا بتفرج في البيت وأحس أن ده كويس ويصعب عليا ينكسر خاطره ويتقال له أنت مش موجود، وأنا ماحبش أكسر خاطر حد'.

آخر أعمال مدحت صالح

يذكر أن مدحت صالح يشارك حاليا في مسلسل 'وبيننا ميعاد' من تأليف وإخراج هاني كمال، بطولة شيرين رضا، صبري فواز، وفاء صادق، بسمة، محمد سليمان، هاجر الشرنوبي، داليا شوقي، خالد أنور، أسامة الهادي، يوسف الكدواني، آية سليم وكنزي رماح.