عمرو وهبة: لا تستمع للشيطان وتوفر في "البقشيش"

نشر الفنان عمرو وهبة بوست ليدعو فيه مساعدة المساكين و المحتاجين ، ذلك عبر صحفته الشخصية على موقع التواصل الاجتماعي 'فيسبوك'.

معلقآ: بوست جد على غير العادة.. بصرف النظر عن الكومنتات اللى هتقول يا عم أنت فنان وأنت بتاخد ملايين وأنت مالك بالكلام ده وكل الحاجات اللى مش صح دى بس هقول برده.

وأضاف: مؤخرًا بسبب ظروف معظم الناس بمختلف طبقاتهم واحتياجتهم وأنا منهم بدأ كل واحد فينا يفكر إزاى يوفر وإزاى يستغنى عن المصاريف اللى ممكن يستغنى عنها بس أنا اكتشفت أن أنا الشيطان بقى بيخلينى استنصح مش أوفر.

واستطرد: يعنى بصرف عادى مصاريفي اليومية اللي مش كلها الصراحة أساسية أو ليها بديل بس بوفر في الـ5 جنيه اللي بدفعها للي بيحطلي بنزين أو بقلل التيبس اللي بسيبه في مطعم كلت فيه برقم مش شوية، ومن نوعية المصاريف دي، مع إني بكره السنتحة والفلوس الإتاوة اللي ملهاش لزمة دي وبتعصب من اللي بيرمي نفسه على بريريز العربية عشان يليطها بفوطته اللي مداقتش طعم المية في حياتها، وبقول دول ناس مش بيعملوا حاجة وارد جدًا أكون بفكر غلط، قولت ياعم سيبهم بمزاجك وخد أنت الثواب يعني، وهو ممكن يكون بالنسبالك بيستليح بس في الآخر الأكيد أن هو محتاج الفلوس دي.

وأختتم حديثه: 'ولما بسمع حد بيقولي يا عم الناس دي بيعملوا فلوس قد كده بسخن ومش بديهم وبعدين بفكر كده بيعملوا كام يعني؟ الفين جنيه في الشهر تلات آلاف، خمس آلاف، عشر آلاف، حتى أكتر من كده؟ ما هو مش بياخدهم منك ويطلع يعمل كايت سيرفينج في رأس سدر، ما هو هيجيب بيهم أكل وشرب وبرده مهما زاد ده بقى رقم عادي، والقرشين اللي هتدفعهم دول أكيد مش هيفرقوا معاك بس وارد يفرقوا معاه أو مع اللي بيصرف عليهم'.

جروب الدفعة:

يذكر أن عمرو قد شارك جمهوره مؤخرا صورة له برفقة أبطال مسلسل «جروب الدفعة» من الكواليس وذلك عبر حسابه الشخصى بموقع التواصل الإجتماعى «فيسبوك».

معلقآ: وعلق الفنان عمرو وهبة على الصورة كاتبا :«أحدث مسلسلات مصنع الحكايات- The Stories Factory ومؤسسها هانى سرحان ،هتشوفوه قريب جدا أن شاء الله على شاشة On- On Drama- Watch it»حكايات جروب الدفعة'.

أضاف :'معالجة درامية وإشراف على الكتابة: باسم شرف- دعاء عبدالوهاب ،سيناريو وحوار: عمرو أبوزيد- نسمة سمير- محمد علوش ،بطولة: شيرى عادل- محمد عادل، ولاء الشريف- بسمه ،داوود ،أحمد ماجد ،صفاء الطوخى ،عمرو وهبه ،إخراج محمد عبدالسلام ،أن شاء الله يعجبكو'