نشرت الفنانة أيتن عامر، عبر صفحتها على موقع التواصل الاجتماعي 'فيس بوك'، قصة 4 أخوات من كندا، أصيب 3 منهم بمرض نادر، سيفقدهم حاسة البصر، فقرر الأب والأم إنهم ياخدوا أولادهم في جولة للسفر حول العالم عشان يشوفوا أجمل الأماكن السياحية قبل فقدهم لبصرهم، وعشان تبقى ذكرى جميلة تحتفظ بيها ذاكرتهم.
وأضافت أيتن عامر، خلال منشورها، «الشيء العظيم هو اللي حصل من هيئة تنشيط السياحة المصرية لما قدمت دعوة للأسرة كلها عشان يزوروا مصر، وفعلاً وصلوا بالسلامة وهيقيموا فيها لمدة أسبوع كامل زاروا فيها أهرامات الجيزة، والمتحف المصري في التحرير، والمتحف القومي للحضارة، وقلعة صلاح الدين الأيوبي، وغيرهم..».
وأشارت إلى أن «عدد كبير من المواقع والصحف الأجنبية أشادت بتحرك هيئة السياحة المصرية ودعمهم للأسرة الكندية، وزيارة الـ 3 أطفال وأسرتهم مش هتتنسي، لا هي ولا التأثير النفسي الإيجابي عليهم اللي ساهمت فيه مصر.. كمية الحفاوة اللي قابلوها في بلدنا بتأكد إن مصر بلد الكرم والضيافة، بتحب الكل، وفاتحة أبوابها لكل اللي يقصدها.. ربنا يصبر الأسرة الجميلة دي على مصابهم الصعب».
تابعوا آخر أهل مصر على Google News
