ما بين الديك الرومي والأدوار العالية والاسانسير.. ناقد فني يكشف مخاوف نجوم زمن الفن الجميل

كشف الناقد الفني الهامي سمير أكثر الأشياء التي كان يخاف منها نجوم زمن الفن الجميل.

وكتب الهامي سمير عبر حسابه بموقع فيس بوك:'النجوم بيخافوا من إيه؟، أمينة رزق بتخاف من الأماكن المرتفعة ومتقدرش تبص من شباك ولا بلكونة فى الدور الرابع، وسر خوفها من الأدوار العالية حادثة حصلت لها وهى صغيرة لما كانت بتلعب وجات تبص من شباك عالى وقعت اتكسرت'.

وتابع:'نفس الخوف عند فريد شوقي اللى بيقول أنه بيحس احساس غريب أول ما يبص من بلكونة عالية وبيبقى عايز يرمى نفسه لكنه بيتراجع بسرعة..أما أنور وجدي فالعكس، لانه بيكره الأدوار الارضيه ويحب الأدوار العالية والسر فى كده أنه فى مرة وهو صغير دخل حرامى شقتهم فى الدور الأرضى وهدده بالسلاح لو كشف أمره ومن يومها وهو عنده عقده من ادوار الارضي'.

وواصل الهام سمير كاتبا:'أما فاتن حمامة فبتخاف من الزحمة، بينما هدي سلطان تخاف من الاسانسير، وإذا هجمت على عمنا محسن سرحان بسلاح مش هيتهز منه شعراية بينما يصرخ لو شاف ديك رومي، وسر خوفه من الديك الرومي سببه حادثه برضه وهو صغير لما هجم عليه ديك رومي ونقره فى ايده وفضل يصرخ لحد ما الناس انقذوه'