هجوم عنيف من بيومي فؤاد على الزمالك: إحنا بنلعب بلي؟

شن الفنان بيومي فؤاد هجوما عنيفا على إدارة نادي الزمالك، عقب الهزيمة التي مني بها الفريق من الأهلي، ضمن منافسات الدوري المصري لكرة القدم، في المباراة التي أقيمت الخميس الماضي وانتهت 4 ـ 1، للفريق الأحمر.

وقال بيومي فؤاد في برنامج 'حضرة المواطن'، الذي يقدمه الإعلامي سيد علي، على قناة 'الحدث اليوم': 'عمري ما غلطت ولا قليت أدبي على جماهير نادي الزمالك، أنا ربنا خلقني أهلاوي إيه المشكلة، الزمالك لو اتغلب من ريال مدريد، هيدوروا على أي حاجة غير أنهم كانوا وحشين في الملعب'.

وتابع: 'شيكابالا قال لعمرو أديب قبل كدا، لو كورة هناخد الدوري، يعني إيه كورة هو إحنا بنلعب بلي، إمتى هتقولوا أنكم اتغلبتوا علشان وحشين واللي قدامكم كانوا كويسين'.

الأهلي والزمالك

وواصل بيومي: 'لما بيخسروا بيعلقوا شماعات ومبررات للخسارة منها الظلم التحكيمي، وجو المؤامرات، والسحر، وهناك أمور أخرى كانت السبب وراء الخسارة لا بد من الزمالك الوقوف أمامها، والاعتراف بالتقصير والمشاكل، اشمعنى إحنا كلامنا اللي بيبقي مرّ، ولو الزملكاوي شتم وقل أدبه يبقى كويس'.