حسين أبو حجاج عن خلافه مع هنيدي: قالي مش هينفع نشتغل تاني مع بعض

تحدث الفنان حسين أبوحجاج عن الخلاف الذي يجمعه بالفنان محمد هنيدي.

وخلال حواره مع الإعلامية إنجي هشام في برنامج المنسي عبر قناة 'هي' قال حسين أبو حجاج: 'مش زعلان من هنيدي كل الحكاية أن كان في لقاء تليفزيون وقالو لي مبيسألش عليك قولتلهم مبيسألش أنا اشتغلت معاه فيلم صعيدي في الجامعه الأمريكيه وكان فيلم ناجح جدًا'.

خلاف حسين أبو حجاج ومحمد هنيدي

وأضاف حسين قائلا: 'مرة قابلته بعدها بسنة أو اتنين قولتله ايه انت نسيتني ليه؟.. قالي مينفعش نشتغل مع بعض تاني قولتله طب ليه قالي أصل المشهد بتاعك كان حلو والناس لسه منسيتش لؤي لما الناس تنساه نرجع نشتغل تاني مع بعض'.

وواصل أبوحجاج: 'لقيت كلامه مش منطقي الناس لما بتلاقي حد ناجح في مشهد بتجيبه، لكن ده بيقول العكس لكن أنا مش زعلان منه ولا حاجه هو حر، أنا معرفش هوا جواه ايه أنا قابلته ساعتها في هيلتون رمسيس وكان معاه ساعتها الأستاذ هاني رمزي وأنا كنت رايح اسلم على هاني رمزي'.