مروة صبري مهاجمة عارفة عبد الرسول بسبب "زرار المنطلون": أحفادك يقولوا ايه؟

قالت الإعلامية مروة صبري، تعليقا على الصورة التي نشرتها الفنانة عارفة عبد الرسول، عبر صفحتها الرسمية على موقع التواصل الاجتماعي '' الفيسبوك ''، حيث ظهرت مرتدية بنطلونا وعلقت قائلة: 'نسيت زرار البنطلون'.

https://fb.watch/lUSuAXVUF6/?mibextid=qC1gEa

برنامج قعدة ستات

وقالت مروة صبري خلال برنامجها “قعدة ستات” المذاع على شاشة “القاهرة اليوم”: الموضوع بقى غريب اوي وبقى مخيف.. يقولك أصل أنا مش عايز تريند، حضرتك بشكلك وقيمتك عملتي كده ليه صورة زي دي Funny لأ مضحكتش.. مع احترامي لكل الناس والمليون كومنت اللي دخل يقولها انتي لذيذة وجميلة.. لأ أنا آسفة يا أستاذة عارفة الصورة دي متضحكش.

مروة صبري تذكر أسباب هجومها على عارفة عبد الرسول

وتابعت مروة صبري: الصورة دي لا تليق بحضرتك.. حضرتك فنانة جميلة وعظيمة متتصوريش صورة زي دي، وكان في صورة على البحر وعادي هي حرة، وفي ناس قالت انها ناسيه .. إزاي ياجماعة ؟ هي منزلة الصورة وكاتبة.. الفنانة عارفة عبد الرسول جدة أحفادها يقولوا إيه أو يتصوروا إزاي.

واستكملت مروة صبري: تخيلوا لو فنانة صغيرة في السن وعملت التصرف ده مكنش حد كان هيعديهلها والسوشيال ميديا كانت هتتقلب وهتعيش تريند والناس تطلعها على المسرح .. تعددت الأسباب والتريند واحد.

برنامج 'قعدة ستات' تقدمه الإعلامية مروة صبري على شاشة 'القاهرة اليوم' يوم السبت من كل أسبوع، وتستضيف من خلاله عددًا من الفنانات وتناقش قضايا مختلفة.