ساندرا تتهم فنانة بسرقتها: ليه بتأخدي تعبي وشقايا

أعربت المطربة ساندرا صلاح، عن غضبها الشديد من سرقة أغانيها وسيرتها الذاتية على حد قولها.

وقالت ساندرا في بث مباشر بـ 'أهل مصر':'أنا بنت بسيطة جدا، بدأت من الصفر وطلعت من بلدي عشان أطلع حاجة كبير وأشرف نفسي وأهلي، عندية جدا وبعافر أوي ومعنديش حاجة أسمها مستحيل، بنيت لنفسي أسم ومكملة فيه ومش هيأس بأذن الله وبحب الناس'.

المطربة ساندرا صلاح تعرب عن استيائها

وأضافت:'فيه أغاني بتتسرق مني، أغني الأغنية وأتعب عليها وأبقى فرحانة أني عملت حاجة كويسة أبص الأقي حد تاني بيغنيها ويقول دي بتاعتي، ليه يعني بتأخدي تعبي وشقايا، لكل مجتهد نصيب أتعبي على نفسك وأشتغلي ليه بتاخدي شقايا'.

وتابعت ساندرا صلاح:'حتى سيرتي الذاتية أن ساندرا صلاح بنت المنصورة والريف طلعت وغنت وعملت بتأخدوها و تحطوها على قصص حياتكوا ليه، كل واحد يخليه في حاجتوا هو وشغله ويثبت وجوده ليه أنا بتحارب..مش هذكر حد بس كتير جدًا، و حرب مش طبيعية عليا، الناس بتعمل سيرش عشان يعرفوا السيرة الذاتية لساندرا صلاح بيلاقوا صورة واحدة تانية واخدة سيرتي الذاتية وأغاني ليا وشغلي'.

وأكملت:' ساندرا صلاح الحمد لله بقت حاجة تانية بدعم الناس اللي بيحبوني وواثقة في نفسي، وبمشي بـ8 بودي جارد، وحب الناس كنز على فكرة بس الناس بتتكاتر عليا في أماكن معينة فبتخض، وأنا طموحي ملهوش حدود ورايحة لمكانة تانية أوي'.