صانع محتوى: "الترند بقى شغل والناس بتتهافت على وسائل التواصل علشان الفلوس

قال خالد محمود، صانع محتوى، إن "الترند" بقى شغل، ومسلسل "جعفر العمدة" طلع مواهب تمثيل محدش كان بيسمع عنها.

https://youtu.be/5Z7YxHOtoAY?si=aW0YMFOq8fwuKKvK

وكشف "محمود"، عن تفاصيل بدايته وكيفية دخوله عالم السوشيال ميديا، موضحًا أنه بدأ في دراسة المسرح منذ أن كان طالبا بالثانوية.

وأضاف في تصريحات خلال لقائه ببرنامج ''من غير نفسنة'' الذي تقدمه الفنانة انتصار، وبدرية طلبة، ونوليا، عبر شاشة قناة ''هي'': ''بدأت مسرح من وأنا في ثانوي، واتعلمت ازاي أعمل الشخصية وابقى ترند، مش إني أتكلم عادي، ما كل الناس بتتكلم، بس الفكرة إزاي إني أعمل فيديو أبقى عارف الناس عايزة تشوف إيه''.

وتابع: "أنا طلعت في فترة قصيرة الحمد لله، وفنانيين مصر كلهم بيشوفوني لأني مبعملش حاجة مسفة، دايمًا بقول حاجة وعندي وجهة نظر إن الإسفاف عمره ما بيكمل، والفكرة إن طول ما في موهبة هتبقى ترند"

واستطرد: "الترند" دلوقتي بقى شغل، يعني لما تعملي فيديو ويجبلك كام ألف دولار بقى شغل، والناس بقت بتتهافت على الفيسبوك واليوتيوب علشان الفلوس، ولكن في فئة بتعمل فيديوهات زيي أنا واصحابي علشان عايزين نمثل أو نعمل برنامج، فبنقول دي خطوة أولى".

وأشار إلى أن مسلسل "جعفر العمدة" طلع كمية مواهب تمثيل في الناس محدش كان بيسمع عنها، زي ما كانوا بيقلدوا الفنان محمد رمضان، والفنانة هالة صدقي.