عايزة أضحكه.. عفاف مصطفى تكشف سبب زيارتها للزعيم عادل إمام

كشفت الفنانة عفاف مصطفى عن أمنيتها في مقابلة الزعيم عادل إمام، بسبب حبها الشديد له، مؤكدة أنها كانت على تواصل معه بشكل مستمر منذ فترة كبيرة، قبل أن تغلق أسرته هاتفه الشخصي.

وأضافت عفاف مصطفى، خلال مداخلة هاتفية عبر برنامج تفاصيل، الذي تقدمه الإعلامية نهال طايل، عبر فضائية صدى البلد 2: 'لو فضلت 3 شهور متواصلتش معاه، كان يتصل ويسأل عليا، وكانت المكالمة لا تقل عن نصف ساعة، وكان بيضحك على طول.. ليه أسرته مش عايزاني أتواصل معاه؟!'.

الزعيم عادل إمام

وبعثت عفاف مصطفى برسالة إلى أسرة الزعيم عادل إمام، قائلة: 'نفسي أقابله وجها لوجه علشان أحسسه أنه مش عشان التزم البيت، يبقى خلاص نسيناه، عايزة أقوله أنت لسة موجود في قلوبنا وفي ضميرنا الفني، وفي روحنا وعاوزه اطمن عليه، وأضحكه بصراحة، أنا ممكن مضحكش حد على الشاشة بس أضحكه في الواقع'.

وأنهت عفاف مصطفى بالقول: 'أنا لما بكون في اللوكيشن بعمل جو حلو.. حتى المخرجين بيقعدوا يشدوا في شعرهم، ويقولولي مش عاوزين نضحك النهارده يا عفاف.. أنا بحب أضحك اللي حواليا، وأخرجهم من اللي هما فيه'.