بدرية طلبة تنصح الفتيات: بلاش تلبسي توب مش توبك بعد الجواز بتتعروا على بعض

وجهت الفنانة بدرية طلبة النصائح للفتيات في المقابلة الأولى لها مع شريك حياتها، مشددة على عدم التصنع وضرورة الوضوح.

وقالت بدرية طلبة في مقدمة برنامجها “من غير نفسنة” الذي تقدمه مع الفنانة انتصار ونوليا، عبر شاشة قناة “هي”: علشان أول لقاء بيسيب أثر وذكرى، كل واحد ونصيبه يا إما هيسيب ذكرى حلوة أو ذكرى فيها أطفال وبيت كله دفئ وحب، وعلشان نسيب ذكرى حلوة في حاجات لازم تعملوها في أول مقابلة.

وتابعت: لو الراجل عزم بنت على غداء أو عشاء بلاش تلبسي توب مش توبك، الطبيعة حلوة وأنا كده، عاجبك أهلًا وسهلًا، مش عاجبك شوف غيري، كوني واتكلمي بطبيعتك وعيشي إنتي، وبلاش ترسمي لأن بعد الجواز بتتعروا على بعض وبتكتشفوا كل حاجة.

وأضافت بدرية طلبة: أول لقاء ده معمول علشان نعرف سن بعض وتفاصيل صغيرة، مش تحكي قصة حياتك.

‎“من غير نفسنة” برنامج نسائي ساخر يقدمه كلا من الفنانة انتصار وبدرية طلبة ونوليا، يعرض يوميًا من السبت إلى الثلاثاء، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.