طليقة حسن شاكوش: سجدت في الفرح عشان كنت متوترة وداخلة حياة جديدة

كشفت ريم طارق طليقة مطرب المهرجانات حسن شاكوش، سبب سجدوها في حفل زفافهما، ذلك الموقف الذي أثار جدلًا واسعًا على مواقع التواصل الاجتماعي حينها، كما عرضها للعديد من الانتقادات.

وقالت ريم طارق خلال لقائها في برنامج “قعدة ستات” مع الإعلامية مروة صبري، المذاع على شاشة “القاهرة اليوم”: مكنش في صحفيين في القاعة غير والدتي ووالدي ومنسقة الحفل، ومعرفش الصورة طلعت برا القاعة ازاي ومطلبتش من حد أنه يصورني، أنا عملت حاجة تلقائية هتريحني وكنت بتمنى ربنا يجعل الحياة أنها تكون خير بعد زواجي'.

وتابعت ريم طارق: مقصدتش أعمل تريند ولا حسن طلب مني ومكنش موجود أصلا، أنا عملت الحركة دي عشان كنت متوترة ودي هتريحني، وكنت متخيلة عشان أنا مريت بحياة وحشة قبل كدة، فكرت أن حياتي وقفت، ولكن لما ربنا بعتلي حد وهدخل حياة جديدة وهخلف وفي لسة حياة، حبيت أشكر ربنا، وملوش علاقة بحسن.

ويذكر أن برنامج 'قعدة ستات' تقدمه الإعلامية مروة صبري على شاشة 'القاهرة اليوم' يوم السبت من كل أسبوع، وتستضيف من خلاله عددًا من الفنانات وتناقش قضايا مختلفة.