كشف المنتج جمال العدل عن علاقته بالفنان محمد هنيدي، قائلا: ''إنه لم يشاهد فيلم مرعي البريمو للفنان محمد هنيدي ولا يرى أي فيلم يعرض له في السوق'، مشيرًا إلى أن انخفاض إيرادات أعماله لا يعني ضعف محمد هنيدي, معلقا: 'قلة الإيرادات مش معناها هنيدي شطب'.
وأوضح المنتج جمال العدل خلال لقائه في برنامج حبر سري مع الإعلامية أسما إبراهيم عبر فضائية القاهرة والناس، قائلا : ''أن هناك عوامل تتحكم في الإيرادات، قد يكون منها ظروف السوق والسينمات واحترافية الموزع،
وأضاف: 'الإيرادات مش معناها أن هنيدي شطب.. وممكن يكون الفيلم نزل في توقيت غلط، وفيه حاجات تانية بتتحكم في الإيرادات''.
رأي جمال العدل في فيلم المرعي بريمو
وأضاف جمال العدل: ''سامع إن الفيلم مش حلو، لكن هنيدي له ذوقه وطبعه وله خصوصية، والمفروض محمد هنيدي يتعب على نفسه شوية عشان يعمل حاجات أحسن من كده، لأن هو جر جيل كامل ولسه عنده اللي يقدمه.. وهنيدي بيعمل الجزء التاني من أرض النفاق من غيري، للأسف حقه قانونًا، لكن فيه حق أدبي وحق مادي، وأنا ليا الحق الأدبي، لكن في رأيي أنه مش هينجح'.
واختتم جمال العدل: 'هنيدي صاحبي وعشرة عمر، لكن اللي غايظني أنه راجل نجم ومهم، وعيب يعمل كده، واللي غاظني أكتر أنه نزل صورة فبعتها ليه على الواتس آب وقلت له إيه ده، وما ردش عليا لحد دلوقتي، ضايقني أكتر.. أنت راجل مش لطيف أبدًا'.
تابعوا آخر أهل مصر على Google News
