إلهام شاهين رئيسًا شرفيًا لمهرجان «تري كور» الفرنسي

أعلنت إدارة مهرجان تري كور الفرنسي للأفلام القصيرة جدًا، عن اختيارها لـ إلهام شاهين رئيس شرفي للدورة الـ 26 التي ستقام في مصر، في أول أسبوع من شهر يونيو الجاري، وتستمر لمدة 10 أيام.

وتشمل مسابقات المهرجان عروض المسابقة الدولية ومسابقة VS فيلم والندوات والورش السينمائية الخاصة بالأفلام القصيرة جدًا اللي مش بتزيد مدتها عن 4 دقائق.

وقالت 'إلهام'، إن المهرجان مميز كونه الأول من نوعه اللي بيجمع في مسابقات بين السينمائيين المحترفين والهواة وإن الشرط الوحيد للمشاركة هو جودة العمل.

ريم لطفي: دورة السنة دي فيها مفاجآت كتيرة هيتم الإعلان عنها قريبًا

وقالت الدكتورة ريم لطفي، الممثل الرسمي للمهرجان، إن دورة السنة دي فيها مفاجآت كتيرة هيتم الإعلان عنها قريبًا، وكمان هيكون في مسابقة دولية خاصة بمصر هيتم الإعلان عن فتح باب المشاركة فيها خلال الأسابيع الجاية، ده غير المسابقة الدولية اللي بتعرض 30 فيلم دولي حول العالم في نفس التوقيت.

مهرجان تري كور هو مهرجان فرنسي دولي للأفلام القصيرة جدًا اللي مش تتجاوز مدتها 4 دقائق ويستضيف عروض دولية سنوية عددها حوالي 30 عرض فيلم، وكانت مصر من أوائل الدول التي تستضيف عروض المهرجان من 2015.