بسبب «نسل الأغراب».. مريم سعيد تكشف كواليس أزمتها مع محمد سامي

تحدثت الفنانة مريم سعيد صالح، عن تفاصيل أزمتها مع المخرج محمد سامي، بسبب مسلسل نسل الأغراب، مؤكدة أنه مخرج كبير وله فضل عليها.

مسلسل نسل الأغراب

وقالت مريم سعيد صالح، خلال تصرحات تلفزيونية: كملت تصوير مسلسل نسل الأغراب علشان المخرج محمد سامي هددني أنه هيدفعني مليون جنيه تمن يوم تصوير، وده كان تاني يوم تصوير ليا وتعثرت شوية في المشهد لأن اللهجة صعيدي وصعبة، وأنا اضطريت أكمل في العمل لأن أجري أصلًا كله كان 50 ألف جنيه، هقدر أدفع مليون جنيه؟ منين؟.

تفاصيل أزمتها مع محمد سامي

وتابعت: محمد سامي كان له الفضل عليا في حاجات كتير قبل كده، ومش معنى أن حصل مشكلة إني أسلب فضله عليا في الحاجات اللي شغلني فيها قبل كده، ولكن هو تعامل معايا بطريقة لا تليق، وهو اعتذرلي في اللوكيشن وطيب خاطري.

وأضافت: وأنا لما اشتكيت مكنش رسمي، أنا كنت برد على تعليق حد أنه راح له اللوكيشن وكان بيزعق، قولتله يا متزعلش هو عصبي وساعات بيسب من ضغط الشغل، وحد ابن حلال خد سكرين واضطريت إني اتكلم وقولت اللي حصل بالأمانة.

وبرنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساء، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشواره الفني.