ليلى أحمد زاهر عن أعلى نسبة مشاهدة: «كنت كارهة شخصية نسمة»

قالت الفنانة ليلى أحمد زاهر، إن مسلسل أعلى نسبة مشاهدة، يناقش قضية مهمة للغاية، معقبة: «بنتكلم عن السوشيال ميديا وأزاي الناس بـ تستغلها غلط».

ليلى زاهر: أول مرة في حياتي أعمل شخصية عاملة كده

وتحدثت ليلى أحمد زاهر، خلال حوارها المذاع عبر فضائية العربية، عن شخصيتها في مسلسل أعلى نسبة مشاهدة، قائلة: «نسمة هي بنت بسيطة، بنت عيلة عندها مشاكل شوية والشخصية دي مش شبهي تمامًا ودي أول مرة في حياتي أعمل شخصية عاملة كده».

وتابعت ليلى أحمد زاهر: «أنا كنت خايفة وكنت عايزة أعتذر قبل التصوير بكام يوم لأن الدور ده كان صعب أوي وتحدي كبير بالنسبالي»، مضيفة: «قبل ما أعمل الدور ده كنت كارهة شخصية نسمة بس كنت بحاول ألاقي مبررات كانت السبب في تصرفاتها».