حكى الناقد الفني إلهامي سمير، عن قصة منع فيلم مأساة الحياة من العرض في السينمات، كأول فيلم مصر يتعرض لهذا الموقف.
وكتب إلهامي سمير عبر حسابه بـ«فيسبوك»: «في سنة 1929 صد قرار بمنع فيلم (مأساة الحياة) من العرض واتقال إنه ده كان اول فيلم مصري يتمنع من العرض، الفيلم كان من إخراج وتمثيل وداد عرفي وشاركه فيه الراقصة التركية الشهيرة في الوقت ده إفرانز هانم، وكانت أحداثه بتدور حوالين راقصة بتسعى لخداع اتنين أخوات علشان تاخد فلوسهم».
كيف تسبب عبدالسلام النابلسي في منع عرض فيلم «مأساة الحياة»
وتابع «سمير»: «ورغم أن الفيلم كان من نوعية الأفلام الصامتة وكان الحوار بيتكتب على الشاشة إلا أن صحفى وناقد فنى كبير وقتها كتب عنه تقرير قال فيه إن به عيوبا فاضحة يندى لها الجبين خجلا، وده اللى خلى الرقابة تشكل لجنة لمشاهدة الفيلم من جديد وتصدر قرار بمنعه من العرض».
وأضاف إلهامي سمير: «وقالت الرقابة فى تقريرها، إن الفيلم يزخر بالملاهي ومواد الترف، وهو ما استنزف الجزء المهم فيه مع أن العظة لم تتناول إلا أمتارا قلائل ولا تترك أثرا عنفا في المشاهد يعطيه فكرة سامية عن عاقبة الإثم والاستهتار».
وأكمل سمير: «عارفين بقي الصحفى والناقد الفنى الكبير ده يبقي مين ؟ يبقى عبدالسلام النابلسي واللى بعد كده هيسيب الكتابة والنقد ويتجه للتمثيل».
تابعوا آخر أهل مصر على Google News
