في ذكرى رحيل محرم فؤاد.. عايدة رياض تروي اللحظات الأخيرة في حياته

تحل اليوم ذكرى وفاة المطرب محرم فؤاد، إذ إنه توفى في مثل ذلك اليوم 27 من يونيو 2002 عن عمر ناهز الـ 68 عاما، شارك في العديد من الأفلام.

البداية الفنية لـ محرم فؤاد

وكانت بدايته الفنية مع المخرج هنري بركات وسعاد حسني من خلال فيلم حسن ونعيمة.

ولد محرم فؤاد في شهر وفاته لكن قبل ثلاثة أيام إذ إنه ولد في 24 يونيو عام 1934.

حديث عايدة رياض عن محرم فؤاد

وعن آخر لحظات في حياته وزيجاته تحدثت زوجته الفنانة عايدة رياض في أحد الحوارات لها إذ قالت: ''آخر عيد ميلاد لمحرم حضره في المستشفى كان وصل لـ 68 سنة وكان رايح يغسل كلي.. لكن طلب من الدكتور أنه يستنى في المستشفى لأنه حاسس بتعب''.

وتابعت عايدة: ''كان عنده إحساس أنه هيطلع ويكمل وكان فيه أغنية هيعملها لسه كلامها معايا بتقول مطلعها أنا قلبي أخرس ومبيشوفش كمان بعنيه''.

واستكملت متحدثة عن زيجاته: ''موضوع زيجاته اللي يقول 11 واللي يقول 6 واللي يقول 7 أنا بقول ودي شهادة اللي أتجوزهم محرم رسمي 3.. ماجدة بيضون والدة ابنه الوحيد طارق.. وأنا طبعا.. والمذيعة والإعلامية منى هلال آخر 5 سنين في حياته.. الباقي بقي كانوا حواليه وشويه إشاعات وممكن عرفي الله أعلم، بس الحاجة اللي كان نفسي فيها بجد يكون لي ابن منه بس إرادة ربنا بقي''.

وأردفت: ''محرم كان بيعتز جدا بعمل يمكن ناس كتير متعرفش أنه له الفضل فيه.. هو اللي صلح نشيد بلادي بلادي.. النشيد الوطني لمصر.. وعمله تعديلات رهيبة وكان بيقول كلام فني بحت.. لأن أضلاعه الفنية وموازيره مش مظبوطة كنشيد وطني.. المهم هو ظبط الموازير وعدل في الأضلاع وبعض الكلمات وظهر بالشكل اللي الكل شافه''.

أعماله الفنية والغنائية

واختتمت: ''المشكلة أن بعد التعب ده كله عبد الناصر رفض النشيد لوجود اسم مصر فيه.. لأن مصر وقتها كان اسمها الجمهورية العربية المتحدة وبعد كده الرئيس السادات وافق عليه، وفي منتصف الستينيات كان عامل حفلة لصوت العرب اعتقد كانت في المغرب وتعب والدكتور اكتشف أنه واحد من الأحبال الصوتية فيه شلل ولو معملش عملية هيفقد صوته للأبد واتعالج في جينيف على نفقة الدولة وربنا شفاه، أما عبد الحليم كان له معاه صولات وجولات كفاية بس تعرفوا أن محرم عمل أغنية تعب القلوب يأهل الله مخصوص عشان حليم يسمعها''.