نادين عصام تكشف كواليس مشاركتها في مسلسل «مفترق طرق»

أوضحت الفنانة نادين عصام، تفاصيل مشاركتها في مسلسل «مفترق طرق»، الذي حقق نجاحًا كبيرًا أثناء عرضه على إحدى المنصات الإلكترونية.

وقالت نادين عصام، عبر لقاء خاص مع الإعلامية دينا رامز، في برنامج أنا وهو وهي، المذاع عبر قناة صدى البلد، أن أول ظهور لشخصيتها التي تشارك بها في مسلسل مفترق طرق، كانت بدءًا من الحلقة الثالثة.

وتابعت نادين عصام، قائلة: "أنا متوقعتش نجاح مشهد يا كوكو، كان قوي أوي، والناس على طول كانت بتعلق عليه، وأنا متوقعتش أنه هيبقى كده، وكانت ردود الأفعال إيه ده هو في كده؟، هو أنتي إزاي كده؟، هو أنتي كده في الحقيقة؟، ده السؤال اللي بتسئله وأنا ماشية في الشارع".

وأشارت نادين، إلى أن شخصية منة أثرت عليها بعد انتهاء التصوير، قائلة: «انا لما خلت تصوير كان عندي لزمات كتير فضلت معايا من شخصية منة، زي رفعة الحاجب ودمة الشفايف لما تبقى عايزة تعمل نفسها رقيقة، وسحبة العين، ولما بتفرج عليها في المسلسل اللزمات دي بترجعلي تاني».

واشارت نادين عصام إلى أنها تأثرت كثيرًا بشخصية منة، نظرًا لأن وقت التصوير كان كبير جدًا، قائلة: «أنا صورت كتير قوي في المسلسل ده، وبابا مبيقعدش معايا لأن الشخصية أثرت عليا جدًا، وكان لازم افصل منها عشان هي صعبة، في كلامها، وأنا كنت عايزة اشبهها بالثعبان في حركاتها وأسلوبها».