نادين عصام: شخصية منة في «مفترق طرق» نموذج مخيف جدًا

أوضحت الفنانة نادين عصام، أن شخصية منة التي قدمتها في أحداث مسلسل «مفترق طرق»، نموذج مخيف جدًا.

وتابعت نادين عصام، عبر لقاء خاص مع الإعلامية دينا رامز، ببرنامج أنا وهو وهي، المذاع على قناة صدى البلد، أنها كانت تسعى لأن تصبح ممثلة، بالذهاب لمكاتب ترشيح الممثلين للأدوار في المسلسلات، قائلة: «أنا سعيت إني أبقي ممثلة وبروح مكاتب اوديشن كتير في منهم آه، وفي منهم لأ، وشخصية زي منة أول مرة تجيلي»

وواصلت نادين عصام حديثها قائلة: «كنت واقفة مع ماما وقلت لها إيه الشخصية دي، صعب يجيلي شخصية في السن ده بالتعبيرات والعمق والشر ده، والحمد لله مساحة الدور حلوة، ومن أول مشهد علّقت مع الناس؛ بسبب طريقة كلامها».

ولفتت نادين عصام، إلى أنها استعانت بكاتب بعنوان «اوديشن»، لكي تستعد لتفاصيل شخصية منة، قائلة: «خلصت الكتاب في يوم قبل التصوير وداخلة عايزة ابهرهم وحضرت لها كويس جدًا، لأن كان لازم أسئلة تتسأل، مينفعش اتكلم عادي ومحدش هيلاحظ، لازم أفهم قوي هي بتعمل كده ليه؟؛ لأن شخصية انتهازية زي منة بتتكلم مع حد عشان حاجة».