حسام حبيب لـ شيرين:" المرة دي أنا مش هرجع في كلامي والقانون هيأخد مجراه"

تواصل المطربة شيرين عبد الوهاب إثارة الجدل بعد تصريحاتها الأخيرة التي تتهم فيها طليقها حسام حبيب بتدمير حياتها والسيطرة على بناتها وتحريضهن عليها بجانب الاستيلاء على أموالها.

وفي أول تعليق على اتهامات شيرين له قال رد الفنان حسام حبيب:« طبعا، أنا خجلان ومش عارف أقول أى للناس على اللي بيحصل، التصرفات دي أنا برئ منها تمامًا، ممكن دا عشان هي بقالها يومين بتتصل بيا وأنا رفضت أرد، وأنا راجل في الآخر مش كل مرة أنا بسامح».

وأضاف خلال برنامج " et"بالعربي على اتهامات شيرين عبد الوهاب:« المرة دي أنا مش هرجع في كلامي، والقانون هياخد مجراه، وعاوز أعرف يعني أى تحويل للزوج، كدا يا إما هي بتكدب على الناس، أو يا إما هى بتدلعني بقى، وكل مرة سرقة وكلام أقل بكتير إني أرد عليه، أنا اللي بستنجد بالناس تلحقني، وعاوز أعرف اللي بيقول سرقت من البنك، أى شبح محدش قادر عليا يعني».

وكانت اتهمت شيرين عبد الوهاب حسام حبيب

بابتزازها، قائلة:« حسام واخد مني عربية رانج روفر موديل 2008، وساعتين رولكس Rolex، وبقاله حوالي 4 سنين هو المسئول عن الأمور المادية في شغلي، ومفيش يوم حاسبني فيه، أنا معرفش الراجل ده سرقني في قد إيه».

وأضافت: «الناس بتقول بتسمع كلامه ليه؟ أنا بروح له بالتهديدات، دمرني وبيهددني ويبتزني وبيقول كلام وقح عني وعن أصحابي، ولما بختفي بيوصلني عن طريق بنتي الصغيرة هنا، 13 عاما، ومكرهها فيا وفي أبوها وفي أهلي».