بعد ظهورها بفستانها المثير.. هند عاكف: أنا حرة ألبس اللي عايزاه

تسببت الفنانة هند عاكف، في حالة كبيرة من الجدل بسبب الإطلالة التى ظهرت بها في فعاليات المهرجان القومي للمسرح الذي تعقد دورته مؤخرا.

وقالت هند عاكف في لقاء لها مع الإعلامية ياسمين الخطيب، عبر فضائية 'النهار': 'أنا فنانة رايحة مهرجان، ألبس أحمر أو أصفر أو أسود أنا حرة، وأغير إطلالات زي ما أنا عايزة، طالما بدون أذى للناس'.

تشبيه الفستان ببدلة الرقص

وتابعت: 'لو اعرف أنه هيثير الجدل كده مكنتش لبسته هو فستان عادي جدًا.. قولت هغير من الاستايل وأطلع بشكل جديد، وأطلع بشعر أصفر، ومحبيتش أعمل شعري علشان ميبوظش وقولت أطلع بالباروكة.. والفنان بيغير اللوك بتاعه، وكل فترة ممكن يغير اللوك بتاعه، والباروكة كانت تغيير'.

وغضبت هند عاكف ورفضت أن يتم تشبيه الفستان ببدلة الرقص قائلة: 'الناس حرة تشبه الفستان زي ما هي عايزة، لكن الفستان عادي جدا، وفي نجمات وفنانات في مصر بيلبسوا أجرأ منه مليون ألف مرة، والفستان فيه بطانة بلون الجسم، وعليه رسومات سريالية'.