علقت الفنانة إلهام شاهين على هجوم البعض عليها بسبب انتشار مقطع فيديو لها وهي تنتقد مخرجا كانت تعمل معه، بسبب تركه التصوير من أجل الصلاة، لافتة إلى أن الأولوية للعمل ثم الصلاة.
وقالت إلهام شاهين في تصريح لـ أهل مصر:"على فكرة الفيديو بقاله أكتر من 20 سنة، يعني المسلسل اللي بتكلم عنه كان من أكتر من 20 سنة، دي ندوة قديمة حتى معرفش الندوة دي فين، ايه اهميتها دلوقتي؟".
وتابعت إلهام شاهين:"عموما أنا مش مع الناس اللي تسيب شغلها وتقوم علشان تصلي أو يفرشوا في الطرق أو المكاتب أو في وسط الاستديو، ويعطلوا الشغل، كل واحد ممكن يصلي في أوضته لوحده مع نفسه وبعد ميخلص شغله".
تابعوا آخر أهل مصر على Google News
