حرص الفنان علي الطيب على تقديم اعتذار للفنان أحمد حاتم بعد اتهامه لصناع عمل مسلسل «عمر أفندي»، باستخدام مصطلح ''دي حاجة ١٣ خالص'' والذي قدمه في مسلسل 'أهو دا اللي صار'، وذلك بعد أن قدم اعتذار لصناع العمل وحذفه للمنشوره الذي أثار الجدل'.
علي الطيب
اعتذار علي الطيب
علي الطيب يعتذر لـ أحمد حاتم
كتب على الطيب عبر حسابه على فيس بوك: «شكرا لصديقي المحترم أحمد حاتم على توضيحه في حلقة الأستاذة منى الشاذلي وده العشم يا أحمد يا ابن الأصول.. على راسي تقديرك ليا».
أضاف: «عتابي في الأول عشان أكون واضح كان للي كتبوا المسلسل، وإن كل الممثلين في عمر أفندي صحابي وعشرة عمر وهرجع أقول مافيش بينا غير كل خير وأنا بعترف إني مندفع لما بكون على حق بس مش طول الوقت ينفع نعبر عن اللي مضايقنا حتى لو على حق وأوقات كتير الصمت بيبقى أفضل».
مسلسل عمر أفندي
اختتم قائلا : «شكرا يا حاتم مرة تانية وأنت عارف غلاوتك عندي وأي كلام صدر على صفحتي مكانش يخصك خالص لأني لو زعلان منك شخصيا كنت كلمتك على طول وربنا يكرمك دايما ويكتب لك الخير».
انتقاد علي الطيب
كان على الطيب قد كتب عبر حسابه على «فيس بوك»: «حابب أبارك لكل زمايلي في عمر أفندي على نجاحهم بجملة وديع البساطي المشهورة دي حاجة ١٣ خالص».
وأضاف: «واستنوا على الجزء التاني لغاية ما أفكر لكم في الجديد منه عشان تعرفوا تقلدوه.. تحياتي للي نجحوا بـ مصطلحاتي وطول عمرها اللعبة ليها أصول وبنتعلم من بعض مش بنعلم على بعض».
تابعوا آخر أهل مصر على Google News
