متحدث أسرة شكري سرحان: عمر متولي دخل الفن واسطة وشكري خد التريند منه حتى وهو ميت

حرص السيد محسن سرحان على الدفاع عن الفنان القدير الراحل شكري سرحان في مواجهة الهجوم الذي تعرض له مؤخرًا، خاصة من الفنان عمر مصطفى متولي، الذي زعم أن شكري سرحان حصل على مكانة لا يستحقها، ووصفه بغير الموهوب.

وقال محسن سرحان، المتحدث بالنيابة عن أسرة شكري سرحان:'شكري مكنش ليه واسطة في الفن وهو أول واحد في عيلته دخل الفن، عمر متولي هو اللي دخل واسطة وحب يركب الترند بس شكري سرحان خده منه برضه وهو ميت، ده أستاذ، انت بتلبخ في مين شكري سرحان؟!'.

وتابع:'لكل اللي بيقول شكري سرحان اللي ساعده القصص الحلوة، هو خد كم قصة؟، طيب ما فيه زملائه خدوا قصص اشمعنا هو اللي طلع توب، وكانوا بيمثلوا قصص رهيبة وأساتذة ميقلوش عنه في شئ وكانوا زمايله في المعهد زي فريد شوقي وعمر الحريري وصلاح منصور وكلهم ناس أساتذة وقامات بس الفرق أن كمية شغل شكري كانت أكتر ومكنتش بالمصادفة لكن كان المخرجين والمنتجين هما اللي بيختاروه'.