غادة إبراهيم: بوسي شلبي كانت بتدور على حد يعملها سحر يرجعلها محمود عبد العزيز

علقت الفنانة غادة إبراهيم على الأزمة الأخيرة بين الإعلامية بوسي شلبي وأسرة الفنان محمود عبد العزيز التي قالت في بيان لها أن الراحل طلقها عام 1998.

وكتبت غادة إبراهيم عبر حسابها الشخصي على موقع التواصل الاجتماعي فيسبوك:'كلمة حق وشهادة أحاسب عليها والله على ما أقول شهيد، في سنة ١٩٩٨ كنا في منزل الشيخة (ف) سعودية من أصول مغربية كنا مدعوين على الغداء في بيتها في الزمالك وكان فيه ستات كتير ومن جنسيات مختلفة وكان موجود بيننا الأخت المطلقة أيامها من النجم محمود عبد العزيز وكانت علاقتى بيها في هذه الأيام أكتر من رائعة كنت في بداياتى وكانت بتسجل معايا لقاءات لمحطة ART'.

وتابعت:'وفجأة قعدت تبكى بحرقة وفتحت موضوع الطلاق وأنها بتدور على حد يعمل لها عمل أو سحر ويرجعها تانى لزوجها سألتني قولت لها معنديش حد وبعدين سألت الشيخة زعلت جدا منها وإحتدت عليها وقالت لها عيب تقولى كلام زى ده أحنا مش بتوع أسحار وأعمال وخلص اليوم..عرفت بعدها أنها رجعت لزوجها بعد توسط صديقتها الممثلة، وفي الوقت ده كان اللى مكتوب في البطاقة وموجود على الكمبيوتر القديم كانت البطاقة بتتجدد عادى بنفس البيانات المدونة ما دام مفيش اى تحديث حصل على هذه البيانات وكذلك كان جواز السفر بيتعمل ويتجدد بنفس بيانات البطاقة .. وبشهادة مساعد المأذون اللى قال أنى ذهبت للمطلقة لأعطى لها قسيمة الطلاق سنة ١٩٩٨ وهى رفضت إستلامها إذن أنتي عارفة أن الطلاق وقع رسميا بقسيمة موقعة ليه لما رجعتى للزوج متعملش قسيمة زواج جديدة زى الشرع والدين والقانون ؟ ولا طلبتى والزوج رفض !؟'.

واضافت غادة إبراهيم:'ولما إتحدث كمبيوتر الأحوال المدنية في سنة ٢٠٢٢ راحت تجدد البطاقة ظهرت وثيقة الطلاق فقامت رافعة قضية سنة ٢٠٢٣ إثبات إرجاع لكن المحكمة والقانون ليهم الأوراق الرسمية الى مش موجود فيها وثيقة زواج جديدة بعد تاريخ الطلاق !!

والراحل العظيم احنا منعرفش ايه الحوار اللى دار بينه وبينها ورجعت على أى أساس وأنهى إتفاق ده يخصهم هما .. لكن النتيجة إن المحكمة والقانون يحتاج ورق رسمى موثق مش شهادة الشهود وكذلك الميراث .د'.

وأكملت:'وهى رفعت القضية ولجأت للمحاكم لغرض في نفس إبن يعقوب ! وأبناء النجم لهم كل الإحترام والتقدير ردوا قانوناً ولم يبدأوا بأى مشاكل ولا إجراءات مسيئة مطلقاً..راح فين الحب العظيم اللى ضحيتى هناكى فداه وهتعيشى على ذكراه !؟؟..ولا كله يهون قدام الميراث، المحصلة في الأخر نحن نحترم القضاء والقانون والقضاء قال كلمته إنك مطلقة مش أرملة !!، وأنا أحب أقوللك من موقعى هذا ..

فيه ورق وإثبات يبقي فيه جواز، مفيش ورق ولا إثبات يبقي مفيش جواز، والله المستعان'.