سوسون بدر: "اللوك" الجديد مخليني مبسوطة ومحسسني بالراحة النفسية

حلت الفنانة القديرة سوسن بدر ضيفة على برنامج 'السفيرة عزيزة'، المذاع عبر قناة 'دي ام سي'، وتحدثت خلال البرنامج عن 'نيو لوك' شعرها الذي تستقر عليه منذ فترة متخلية عن اللون الأسود تماما.

وقالت سوسن بدر خلال البرنامج : 'بقالي فترة من ساعة ابتدي الأبيض يبقي كتير مؤخرا كل شوية اسيبه شوية واقول ليه لا ليه خايفة اذا كنت انا مبسوطة.. انا بالنسبالي اهم حاجة ابص في المرايا ابقى مبسوطة اللي باسطك اعمله مدام مش هضايق حد'.

وتابعت سوسن بدر قائلة: 'شوية شوية لغاية ما كنت بعمل زي الشمس الأحداث بتخلي الأم تهمل في نفسها فسبناه طبيعي من غير مكياج ولا أي حاجة.. وطول التصوير شعري ماشي مع الأحداث ومتسق.. آخر يوم تصوير كل الناس راحت الكوافير عشان ندلع نفسنا قلت له شيل كله كنت عايزة ابسط نفسي.. ولما عملت كدا لاقيت نفسي مبسوطة اوي قد ايه قريبة من نفسي شايفة نفسي زي منا'.

ويعرض لسوسن بدر حاليا مسلسل 'بخط الأيد' مع الفنان احمد رزق، وإيمان العاصي، وميرنا نور الدين، وخالد كمال، ومحمد حاتم، كما يعرض لها مسلسل 'في كل أسبوع يوم جمعة'، مع الفنانة منة شلبي، وآسر ياسين، وأحمد خالد صالح ، وعبد العزيز مخيون، ورشدي الشامي.