نشرت الإعلامية ريهام سعيد، عبر حسابها الرسمي على موقع تبادل الصور والفيديوهات الشهير 'إنستجرام'، صورة ليد نجلها الصغير، بعد سقوط المياه المغلية عليه، وعلقت ريهام سعيد على الصورة بطريقة منفعلة.
وقالت ريهام سعيد على واقعة ابنها في لهجة غاضبة: 'الحمد لله تيتو و قع عليه ميه مغليه أرجو الدعاء بالشفاء . ونبي كفايه حقد و حسد كفاية، وتفاعل معها عدد كبير من متابعيها بالعديد من التعليقات التي تمنت لابنها السلامة.
ومن هذه التعليقات ، 'الف سلامه عليه وربنا يشفيه ويحفظكم الله ياقلبي'، و 'ياروحي ألف سلامة عليه ياريمو ربنا يشفيه ويعافيه يارب ويبعد عنكم الشر وعيون الناس الوحشة'، و 'سلامتو بس ليه تصوريه مسكين'، وحقد اي ياحبيبتي خاليكي مع ربنا ربنا يشفيه'.
الحمد لله تيتو و قع عليه ميه مغليه أرجو الدعاء بالشفاء .
وكانت الاعلامية ريهام سعيد، نشرت عبر حسابها الشخصي على موقع 'إنستجرام'، تسجيلا صوتيا، تحدثت فيه عن الفنان محمد رمضان، وعن أسباب مساندتها له بعد أزمته مع الطيار أشرف أبو اليسر، وكذلك انتقاد البعض لظهوره بقميص 'شيفون' في آخر حفلاته، حيث قالت: 'ناس كتيرة أوي بتسألني ليه بتساندي محمد رمضان، وطلعتي قلتي في برنامج إنك مش شايفاه وإنه لطعك قدام المسرح، أنا مش بشخصن الأمور عمري، واتقابلت أنا ومحمد بعد خلافي معاه واتكلمنا واتصافينا'.
وتابعت قائلة: 'وحتى لو لسه على خلاف مش معناه خالص أشترك في حملة التشويه اللي معمولة ضده، اللي أنا عانيت زيها كتير ومش من نوع اللي ما أبقى متضايقة من حد شخصيا أنتقم منه وأقوّم عليه السوشيال ميديا، ده أسلوب وضيع.. بساند رمضان لإني بساند قصة نجاح، بساند حد تعب، انتوا بتتخيلوا الفيلم او المسلسل أو الأغنية بيطلع في لحظة مش بتتخيلوا كمية القلق والوقت والتركيز اللي بيروح. فيه ناس بتتمتع بجهل شديد وبتقول بتساندي واحد بيطلع عريان ويطلع بلطجي'.
وواصلت ريهام حديثها قائلة: 'معلش هو العملاق فريد شوقي لما عمل (الفتوة) والعبقري أحمد السقا عمل (إبراهيم الأبيض) و(الجزيرة)، هل كان بيشجع البلطجة والتجارة في المخدرات، الفيلم أو المسلسل بيقدم حدوتة وبيديك مورال في الاخر، ولازم زي ما بنعمل الراجل الطيب بنعمل الشرير.. هو بطل يعمل كده عشان لقى شباب كتير بتقلده في كل حاجة'.
وتحدثت ريهام سعيد على أزمة ارتداء محمد رمضان ملابس شفافة وظهوره عاري الصدر في حفلاته، قائلة 'القميص الشيفون موضة جدا في كل أنحاء العالم الفنانين بيلبسوه، عريان كلمة مبالغ فيها ومش موافقة عليها، الجزء اللي بيبان منه مطربين كتير خارج مصر بيلبسوه كده والاجزاء الباينة مش محرمة'، وتابعت'النوع اللي بيقدمه جديد وقريب من الروك والراب، ليك تحبها وليك لأ، لكن انك تقول انه بيشجع الاسفاف مش موافقة خالص، اللي بيقول اني بطبله عشان يشغلني عشان قاعدة في البيت، بعض آراء الناس الحقودة اللي تفكيرها منحط، عمري ما طبلت لحد ومحدش بيطبل لحد وهو في مشكلة، انا الحمد لله ست لها اسمها واحترامها وعندي بدل الشغلانة اتنين وتلاتة مش لازم يكون في الإعلام'.
تابعوا آخر أهل مصر على Google News
