ردت الإعلامية ريهام سعيد، على جميع منتقديها بسبب دفاعها عن الفنان محمد رمضان، عقب حلقته مع الإعلامي وائل الإبراشي في برنامج 'التاسعة' على التلفزيون المصري، وذلك من خلال مقطع صوتي نشرته ريهام سعيد وهي تدافع عن محمد رمضان وترد على منتقديها من خلاله، عبر حسابها الشخصي بموقع تبادل الصور والفيديوهات الشهير إنستجرام.
رد ريهام سعيد على منتقديها بسبب محمد رمضان
وقالت ريهام سعيد: 'بسرعة عشان ناس كتير بتسألني ليه بتساندي محمد رمضان، بعد ما قولتي انك مش شايفاه وهو لطعك قدام المسرح ومقابلكيش، على فكرة أحنا اتقابلنا بعدها واتكلمنا واتصافينا، وحتى لو أنا على خلاف مع محمد رمضان، ده مش معناه إني أنا اشترك في حملة التشويه اللي معمولة ضده واللي أنا عانيت من زيها كتير'.
وتابعت: 'ومش من النوع اني لو مضايقة من حد شخصياً، انتقم منه واقول عليه السوشيال ميديا أو استخدم جمهوري ضده ده إسلوب واطي ووضيع، ومقدرش اعمله، أنا بساند محمد رمضان لإني بساند قصة نجاح، أنا ماليش إني أوافق علي بيعمله ولا لاء، ناس كتير بتقولك بتساندي واحد بيطلع عريان وبيشجع البلطجة، معلش هو لما العملاق فريد شوقي عمل الفتوة ولا العبقري أحمد السقا عمل إبراهيم الأبيض والجزيرة، هل بيشجع البلطجة ولا تجارة المخدرات، الفيلم أو المسلسل بيقدملك حدوتة ولازم زي ما نعمل الراجل الطيب بنعمل الشرير، مش معني ان حد بيعمل دور بلطجي في فيلم بيبقى بيشجع البلطجة ده جهل شديد'.
وأضافت: 'القميص الشيفون اللي بيتكلمه عنه ده موضه جداً كل الفنانين في العالم بيلبسوه، عريان دي كلمة مبالغ فيها ومش موافقة عليها، في مطربين خارج مصر بيعملوا كده، الجزء اللي بيبان مش حرام انه يبان مسمهاش عريان، النوع اللي بيقدمه نوع جديد قريب من الراب، وتاني اللي بيقولي اني بطبل لمحد رمضان عشان يشغلني لاني انا قاعدة في البيت، بعض اراء الناس الحقودة اللي تفكيرها منحط، مش معني انك بتشكر لفنان زميلك يبقى عشان يشغلك، في ناس بتعمل كده عشان مش عايزاه حاجة، الحمد لله انا عمري مطبلت لحد، انا ست ليها اسمها وكيانها ومحترمة، ربنا اللي بيكت الأرزاق اللي انعم عليا اني اقف من شغلي عشان اربي ابني واستمتع بجوزي وأولادي، أنا بعيش احلى أيام حياتي الحمدلله'.
واختتمت ريهام سعيد حديثها عن الطيار المفصول قائلة: 'محمد رمضان اكيد ميعرفش قوانين الطيران المدني، انا مش عارفة هو غلطان في اية والطيار مدبوح في اية، الراجل اتعاقب من شغله من الناس اللي معاه، الراجل عرض تعويض، طلب بس انه محدش يبتذه، انا مش عارفة الطيار ضحية في اية، واحد عمل غلطة في شغله، مش محمد رمضان اللي غلطان هو كان ممكن يقوله انا اسف ومحمد كان هيحترم ده'.
تابعوا آخر أهل مصر على Google News
