ظهرت نتيجة فحص كورونا للفنانة إيناس عز الدين واتضحت أنها سلبية، حيث كشف الدكتور ماهر الجرحي نائب مدير مستشفى حميات إمبابة، أن نتيجة تحليل المطربة إيناس عز الدين، جاءت سلبية بشأن فيروس كورونا المستجد، وذلك بعد تم أخذ عينة منها وتحليلها وتأكد من خلوها من فيروس كورونا.
وبعد ظهور نتيجة تحليل إيناس عز الدين وتهويلها لدور الانفلونزا التي أصابها وادعاءها بأنها مصابة بفيروس كورونا، هاجمها عدد من العاملين بالوسط الفني، نرصد لكم تعليقات بعدهم.
الوسط الفني يهاجم إيناس عز الدين
كتبت الممثلة رانيا فتح الله عبر حسابها على 'فيسبوك': ' ايه القرف ده تريند ايه وزفت ايه اللي يخلي واحده تدعي المرض وتقلق الناس معها منك لله وربنا يديكي علي اد نيتك'.
وكتبت الممثلة الشابة برلنتي فؤاد عن واقعة ادعاء إيناس عز الدين الاصابة بفيروس كورونا: ' نتيجه التحليل طلعت سلبي الفيلم خلص شكراً يا ايناس عز الدين'.
كما علق المؤلف والشاعر أيمن بهجت قمر وكتب: 'أنا ماليش علاقه ان المطربه الجديدة ايناس صورت برص في المستشفى هي حره وده طبعا شئ محدش يقبله، انا ماليش علاقه باراءها السياسيه او اللي بتكتبه على صفحتها'.
وتابع: 'لكن انا اللي اذاني نفسيا انها عيشتني انا واسرتي حالة رعب لانها عندي على الصفحه هنا وكم البوستات والفيديوهات الكتير اللي اقرت فيهم باصابتها بالمرض وكم الدعاء ليها من الناس الطيبين وكلمات المواساه وهي ما انكرتش ده وماقالتش انه اشتباه ولما المواقع كتبت اول فنانه تصاب بالكورونا مانفتش وانا عيشت بجد ليله صعبه لاني حسيت ان المرض ابتدى يدخل دايرة المحيطين بيا .. تاني يوم الصبح ابتدى صحابها يكتبوا ان التحاليل اثبتت انها مريضه بالكورونا وشفتوا ازاي ظلمتوها وهي برضه ما انكرتش وقتها ان التحاليل لسه ما طلعتش !'.
وأضاف في كلامه: 'لازم وقفه مع اي حد بيلعب باعصابنا والله اعلم هي عملت كده ليه لو هتقوللي عندها اعراض انا خدت نظره سريعه على بعض فيديوهاتها ولقيتها ممكن تكون مزكمه عندها كحه لكن كم الفيديوهات اللي عملتها والبوستات الطويله مش بتاعة حد عنده ضيق تنفس وصداع حاد لدرجة شكوكه ف الكورونا كان ممكن تطلع تقول انا شاكه ابعتولي حد .. ننتقد ان الرقم مثلا ما بيردش ..اما عن تسييس الامر فبجملت !'.
ووجه لها رسالة أخيرة: 'ايناس .. انا بحملك كل الاذى النفسي اللي سببتيهولنا والتوتر اللي عيشتينا فيه ولازم وقفه مع اي حد يطلع يستغل الظروف والتعب النفسي اللي احنا فيه ده وبامانه اللي انتي عملتيه لا بينجح ولا بيشهر.. دي تصرفات بتاخد وقتها وبتتنسي كان ابرك تعمليها اغنيه انا عندي كورونا كانت هتبقى اشرف وهتفيدك اكتر إخس بجد'.
إيناس عز الدين
وتعرضت إيناس عز الدين لبعض الإنتقاد الشديد من رواد سوشيال ميديا، بعد أن أساءت إلى مستشفى حميات إمبابة التي إحتجزت فيها بسبب الاشتباه في إصابتها بفيروس كورونا المستجد.
تابعوا آخر أهل مصر على Google News
