أثارت واقعة اعتداء أحد البلطجية بمنطقة الوراق، على شاب يدعى 'حسام' بسلاح أبيض وإحداث إصابات متفرقة في أنحاء الجسد، العضب عبر موقع التواصل الاجتماعي 'فيس بوك'، وطالب عدد من المتابعين الأجهزة الأمنية بالقبض على المتهم وعودة حق حسام 'الشاب الغلبان' كما وصفوه.
وقال أحد رواد 'فيس بوك': 'حسام شاب غلبان والصور معبرة عنه، وقع مع حسن كفتة بتاع امبابة واحد فارد عضلاته علي الغلابة هو وكام واحد كده معروفين بالبلطجة مسكوه سحلوه في منطقة الوراق'.
وأضاف: 'البلطجية قامو بتشريحه بـ١٥٧ غرزة في جميع أنحاء جسمه وكل ده عشان عايز حقه من ناس أخدو فلوسه وفلوس أهله يشغلوها ولما راح يطالب بالفلوس دي كان ده مصيره'.
وتابع: 'القصه مش إنك قوي وعندك عضلات وبتيجي علي الضعيف الغلبان، القصة ان في ناس سيباك تعمل كده في الضعيف، بس القوي في اللي أقوي منه، والقانون قانون، ومعتقدش القيادات هتشوف المنظر ده وهتسيبك يا كفتة انت وعصابة البلطجية اللي مساندينك'.
وأوضح: 'تم تحرير محضر رقم ١٣١٤١ جنح الوراق سنه ٢٠٢٠ المثبت به الكشف الطبي بكافة الإصابات المذكورة، حق حسن الغلبان في إيديكم وفي رقبتنا كلنا واحنا جنب الضعيف'.
تابعوا آخر أهل مصر على Google News
