كشف المتهم "أحمد أبوالمجد"، في تحقيقات نيابة حوادث جنوب القاهرة الكلية، في قضية اعتدائه على فرد شرطة المرور، في القضية المعروفة إعلاميًا بـ"طفل المرور"، أن سبب توجهه مع زملائه إلى أمين الشرطة، قائلا: "إنه كان مضايق من الأمين علشان كسر ليا المراية، ورفع رجله كان عايز يضربني في وشي، فركنت العربية جنب الطريق، وعديت له أنا وأصحابي لمعرفة سبب قيامه بذلك.
وأضاف "أبوالمجد"، أمام رجال التحقيق: "أول لما وصلت لقيت الأمين ساند رجله اليمين على طوبة كبيرة، وأنا لما وصلت عنده خبطت الطوبة برجلي اليمين، وكنت قاصد عشان ينتبه ليا، واللي كان واقف معايا في الأول عمرو تايسون، وقعد يقول "أنت بتخبط العربية ليه"، والأمين قاله "فين الرخص"، وعمرو قاله "مفيش رخص"، وأنا قولت للأمين "العربية ديه عليها حصانة"، وأنا طول الوقت كنت متضايق من الأمين عشان خبط العربية برجله، ورحت مخبط بإيدي اليمين على كتفه الشمال، وكنت بقوله اسمك إيه وبعدها قولت له "والله أنا كفيل أكلك علقة موت".
وتابع: "ولما ظهر يوسف في الفيديو، أنا قولت للأمين "أنا هموتك ومش هاتعرف تعمل حاجة"، وبعدها عمرو قعد يقول للأمين "أنت كسرت المراية"، والأمين قاله "تعالى أصلحلك المراية"، والأمين لاحظ إن مصطفى بيصوره، وقعد يقوله "أنت بتصور ايه ياحبيبي" قاله "بصور اللقطة لوالده وكان قصده أبويا" وبعدها أمين الشرطة قالنا "يالا اتفضلوا من هنا"، وأنا بعدها قولت له "لولا إنك راجل كبير كان زمانى مقعدك على الأرض دلوقتي".
وكانت محكمة جنح الطفل، المنعقدة بمحكمة الأميرية، قررت تأجيل جلسات محاكمة أحمد أبو المجد ومصطفي تامر ورامز عصام بتهمة التعدي على فرد شرطه من إدارة المرور والمعروفة إعلاميا بطفل المرور للأحد المقبل 20 ديسمبر للحكم.
تابعوا آخر أهل مصر على Google News
