البحث عن شابين لاتهامهم بالتحرش بفتاتين وتعريضهم للخطر بالسلام

تكثف الأجهزة الأمنية بالقاهرة، من جهودها لضبط شابين، لاتهامهم بالتحرش، بفتاتين، وتعريضهم للخطر، باستخدام سيارة بمنطقة السلام.

ويجري رجال المباحث، التحريات للوقوف على ملابسات الواقعة وصحتها، حيث نشرت فتاة منشورا على صفحتها بـ'الفيس بوك'، جاء فيه: 'صباح الخير يا جماعة، امبارح كنت عند جنينة السادات، في مدينة السلام، واتفاجئت بعربية وفيها شابين، وكانوا عاملين يكسرو عليا، واكتر من مرة كنت هعمل حدثه بسبب الاستهتار بتاعهم، والعربية كانت هتتقلب بيا، كنت انا وصاحبتي'.

وأضافت: 'لما شافوا صاحبتي بتصورهم، بدأو يستظرفوا أكتر، ومكفهومش انهم من عند جنينة السادات، لحد دخلة اسكندرية، بيكسرو عليا، ويقفوا قدامي، وكانوا هيدخلوني في الرصيف، وكنت هخبط في كذا عربية، راحو لفولي من عند ملف العبد، ودخلوني الشارع الجديد اللي بيوصل لاسبيكو، وانا في عربيتي يعني مش ماشيا في الشارع، ولا لابسة ضيق ولا لابسة حاجة عريانة، عشان يحصل معايا كده، ليه قلة الأدب دي؟، وليه يرخموا عليا لحد ماموت، كانو كده هيبقو مبسوطين وجامدين يعني، ومفيش منهم، هو ليه الشباب مبتحرمش من قضايا التحرش، والقتل اللي بيحصل بسبب قلة أدبهم، أنا عايزة حقي عشان مش هسكت لحد ما واحد متخلف يموتني، وانا علي الطريق لمجرد انه يبان روش وجامد، ومفيش منه، ياريت تساعدوني افضحهم عشان ميكرروهاش مع غيري.